Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyeva Lənkərana səfəri çərçivəsində İstisu qəsəbəsində yerləşən “Yaşıl çay” fermer təsərrüfatında olub.
“BUTA.TV” xəbər verir ki, Leyla Əliyeva təsərrüfatın fəaliyyəti, burada yetişdirilən çay sortları və istehsal olunan məhsullarla yaxından tanış olub.
Bildirilib ki, təsərrüfat Lənkəranın ənənəvi çayçılıq mədəniyyətinin yaşadılması, yerli istehsalın inkişafı və ekoloji kənd təsərrüfatının təşviqi baxımından mühüm əhəmiyyət daşıyır.
Çay plantasiyasında çalışan işçilərlə birlikdə çay yığımında iştirak edən Leyla Əliyeva onlarla səmimi söhbət edib, gündəlik iş prosesi və təsərrüfatdakı fəaliyyətləri ilə maraqlanıb. Görüş zamanı xatirə şəkilləri çəkdirilib.
Fermer təsərrüfatının sahibi Araz Yağubov bildirib ki, 2006-cı ildə yaradılmış təsərrüfat 100 hektardan çox ümumi torpaq sahəsini əhatə edir. Bunun 55 hektarında çay plantasiyası salınıb. Ekoloji kənd təsərrüfatının ətraf mühitin qorunmasına, yerli istehsalın inkişafına və regionda məşğulluğun artırılmasına töhfə verdiyi vurğulanıb, təsərrüfatın aqroturizm məkanı kimi potensialı xüsusi qeyd olunub.
- Prezidentdən Qurban bayramı ilə bağlı paylaşım...
- AFFA PFL-in prezidenti postuna onu gətirmək istəyir - EKSKLÜZİV
- Prezidentdən bu iki qurumla bağlı - Fərman
- Leyla Əliyeva “Yaşıl çay”da - Fotolar
- Ermənilərin apellyasiya şikayəti üzrə məhkəmə prosesi başladı
- Leyla və Arzu Əliyevalar şəhid ailəsini ziyarət etdilər
- “4 ay su içmədi, indi isə…” – Yanğından sağ çıxan Ləmandan xəbər var
- Azərbaycanda istehsal olunan mallar Ermənistana ixrac olundu