Azərbaycan Respublikasının müdafiə naziri general-polkovnik Zakir Həsənov Türkiyə Respublikasının milli müdafiə naziri Yaşar Gülerə və Qətərin baş nazirinin müavini və müdafiə işləri üzrə dövlət naziri Əlahəzrət Şeyx Saud bin Əbdülrəhman bin Həsən Əl Taniyə başsağlığı verib.
Bu barədə BUTA.TV-a Azərbaycanın Müdafiə Nazirliyindən məlumat verilib.
"Qətər-Türkiyə Birləşik Müştərək Qüvvələr Komandanlığı çərçivəsində təlim uçuşu həyata keçirən Qətər Silahlı Qüvvələrinə məxsus helikopterin texniki nasazlıq səbəbindən dənizə düşməsi, qəza nəticəsində Türkiyə Silahlı Qüvvələrinin bir hərbi qulluqçusunun, ASELSAN şirkətinin iki texniki əməkdaşının və Qətər Silahlı Qüvvələrinin dörd hərbi qulluqçusunun həlak olması xəbəri məni dərindən kədərləndirdi.
Həlak olanlara Allahdan rəhmət diləyir, yaxınlarının dərdlərinə şərik olur, ailələrinə dərin hüznlə başsağlığı verirəm.
Allah rəhmət eləsin", - başsağlığında bildirilib.
- İsveçrədə erməni diasporunun təxribatı iflasa uğradı
- Bakının Milli Etalon Vaxtının göstərilməsinə başlanıldı
- Zakir Həsənov Türkiyə və Qətərə başsağlığı verdi
- Bəzi yollarda görünüş məsafəsi məhdudlaşacaq
- İstanbuldakı Azərbaycan Evi təqdim edildi
- Kürdəmirdə 7 yaşlı uşağı maşın vurub öldürdü
- Moskva-Bakı reysi ilə uçan təyyarə qəza enişi etdi
- Naxçıvanda restoranda yanğın baş verdi