İrəvanın mərkəzində, Respublika meydanında oxunan “Qarabağ” mahnısı erməni mediası və ictimaiyyətində panika yaradıb.

BUTA.TV xəbər verir ki, videonun köhnə olduğu barədə hökumətin açıqlamasının təkzib edilməsinin ardınca mahnının guya farsca ifa edildiyi “versiyası” ortaya çıxıb. Baxmayaraq ki, ermənilərin böyük əksəriyyəti Azərbaycan dilini bu və ya digər səviyyədə bilir, ancaq hökumət ifanın farsca olduğunu iddia etməkdən çəkinməyib.

İranşünas Artyom Tonoyan isə mahnının Azərbaycan dilində olduğunu təsdiqləyib və bunun sübutu kimi Gülay Zeynallının ifasında “Anadır arzulara hər zaman, Qarabağ” mahnısını nümunə olaraq parlaşıb.

İfaçıların “çox güman ki” Güney azərbaycanlılar olduğunu vurğulayan Tonoyan bunun da “normal olmadığını” bildirib. İddia edib ki, bu mahnının İrəvanın mərkəzi meydanında ifasını “sifariş edən” Türkiyə və ya Azərbaycan xüsusi xidmət orqanlarıdır və bununla Ermənistan-İran əlaqələri hədəfə alınır, eyni zamanda erməni ictimaiyyətində çaxnaşma yaradılır.

• İsmayıllıda 6 otaqlı ev yandı
• Tikinti şirkəti vətəndaşın evini təhvil vermir? - Video
• 7 universitetimiz dünyanın ən yaxşılarının reytinqində - Foto
• Bakıda 17 yaşlı oğlan evində ölü tapıldı
• İranda daha bir general öldürüldü - Foto
• Bakıda 61 yaşlı kişi küçədə öldü
• Biləsuvarda ağır qəza: 4 nəfər yaralandı
• Yol polisi sürücü və piyadalara müraciət etdi