Ana səhifə   |    Haqqımızda   |    Reklam
+994702372227
USD: 1.7000
EUR: 1.8902
RUB: 0.0254
TRY: 0.3230

Ermənistan hakimiyyət dəyişikliyinə gedir: “Paşinyan Sarkisyanı da "yolundan təmizləyir"

Siyasət
4 May 2021
12:15
Ermənistan hakimiyyət dəyişikliyinə gedir:    “Paşinyan Sarkisyanı da "yolundan təmizləyir"

Ermənistanın Baş Prokurorluğunda Prezident Armen Sarkisyanla bağlı cinayət işi açılıb. Səbəb kimi onun ikili vətəndaşlıq faktını gizlətməsi göstərilir. Ermənistanın Vəkillər Palatasının rəhbəri Ara Zöhrabyan jurnalistlərə bildirib ki, cinayət işi 53 vəkilin 30 mart tarixli müraciəti əsasında açılıb. Prezident sənədlərin saxtaşdırılmasında ittiham olunur. Belə ki, o, 2003-2012-ci illərdə Böyük Britaniya vətəndaşlığına malik olsa da, prezident seçildiyi zaman bu faktı bəyan etməyib. Ermənistan qanunlarına əsasən, ölkə prezidenti seçilməzdən azı altı il əvvəl Ermənistan vətəndaşlığı almalıdır. Qeyd edək ki, ikili vətəndaşlıq daşımasına görə Armen Sarksiyanın qanunsuz seçildiyinə dair ittihamlar əvvəllər də səslənib. Lakin o, müxalifətin iddialarının əsassız olduğunu, 2013-cü ildə Britaniya vətəndaşlığından çıxdığını bildirmişdi. İndi həmin məsələnin yenidən gündəmə gəlməsi Baş nazir Nikol Paşinyanla Prezident Sarkisyan arasında qarşıdurmanın dərinləşməsindən xəbər verir. Paşinyanın rəhbərlik etdiyi deputat fraksiyasının bu addım atması Armen Sarkisyanı prezidentlikdən kənarlaşdırmaq niyyətindən xəbər verir.


Prezidentin Silahlı Qüvvələrin sabiq baş qərargah rəisi Onik Qasparyanı vəzifədən azad etmək barədə Paşinyanın sərəncamını təsdiq etməkdən imtan etməsi dolayısı isə hərbi qiyamçıları dəstəkləməsi kimi qiymətləndirilmişdi. Hətta Paşinyan xalq qarşısında keçirdiyi mitinqdə A.Sarkisyana müraciətlə demişdi: “Prezident Sarkisyan, sən kimin yanındasan? Xalqın seçdiyi hökumətin, yoxsa hərbi qiyamçıların?”


Həmin vaxt hakim “Mənim addımım” fraksiyasından olan deputat Vahan Ovakimyan prezident Sarkisyana impiçment elan edilməsi təklifini irəli sürmüşmüşdü. Ona görə də Paşinyanın Sarkisyandan qisas almağa çalışdığı istisna edilmir. Əgər seçkilərdə N.Paşinyanın rəhbərlik etdiyi “Mənim addımım” bloku yenidən qalib gələrsə, prezidentin istefası məsələsi gündəmə gətirilə bilər. Ermənistan konstitusiyasına görə, prezident parlament tərəfindən yalnız bir dəfə olmaqla 7 il müddətinə seçilir. Armen Sarkisyan 3 ildən artıqdır ki, həmin postu tutur. “Mənim addımım” bloku parlamentdə səs çoxluğunu qazanacağı təqdirdə, Armen Sarkisyana impiçment elan edə bilər.

İrəvan Türk Cümhuriyyəti Millət Şurasının sədri Qafar Çaxmaqlı Cebhe.info-ya bildirib ki, Armen Sarkisyan Britaniya vətəndaşıdır. Lakin Ermənistan konstitusiyasında ikili vətəndaşlığı olan şəxsin dövlət vəzifəsi tutmasını qadağan edən maddə yoxdur: “Sabiq xarici işlər naziri Vardan Oskanyan ABŞ vətəndaşı idi. Başqa bir xarci işlər naziri işləmiş, sonradan prezidentliyə namizəd olan Raffi Ovanisyanın da ABŞ vətəndaşlığı var idi. Keçmiş baş nazir Karen Karapetyan Rusiya vətəndaşı idi. Ermənistan qanunvericiliyinə görə, bütün ermənilər müraciət edib Ermənistan vətəndaşlığını qəbul edə bilər. Amma bu məsələnin kökündə siyasi səbəblər var. Armen Sarkisyan Paşinyanın bir sıra qərarlarına uymadı. Baş qərargah rəisi Onik Qasparyanı işdən çıxaranda onu təsdiqləmədi. Prezident həmin sərəncam Konstitusiya Məhkəməsinə göndərdi. Ona görə də Paşinyan Armen Sarkisyanın bu hərəkətlərinə görə onu məhkəməyə verir və müəyyən qərarlar çıxara bilərlər. Amma konstitusiya onun barəsində hər hansı tədbir görülməsinə imkan vermir”.


Ekspert bildirib ki, Ermənistanda siyasi böhranın yeni mərhələsi başlayacaq:


“Hakimiyyət faktiki olaraq yoxdur. Paşinyan baş nazir deyil və iyunun 20-də seçkilər olacaq. Bu seçkilərdə müəyyən nüfuza malik olan Armen Sarkisyanın da rolu ola bilər. Burada məsələnin hüquqi həlli görünmür. Baş verənlər növbəti siyasi böhrandır”.


Ermənişünas alim bildirdi ki, yeni parlament prezidenti yenidən təsdiqləməsə, onu istefaya göndərə bilər. Lakin bu barədə danışmaq hələ tezdir:


“Ehtimal ki, Paşinyan çoxluğu əldə edəcək. İndi Baş nazir postuna namizəd kimi Tiqran Avinyanın adı hallanır. Çünki Rusiya onun üzərində dayanmış kimi görünür. Ola bilsin ki, baş nazir Paşinyan olmasın. Parlament seçkilərindən sonra yeni hökumət formalaşacaq. O cümlədən, prezident yenidən seçiləcək. Sadəcə olaraq, Ermənistanda fövqəladə vəziyyət olduğuna görə prezidentin də yenidən seçilməsi də yenidən gündəmə gətirilə bilər”.


Qafar Çaxmaqlı hesab edir ki, Ermənistanda müzakirə olunan variantlardan biri Avinyanın baş nazir seçiləcəyi təqdirdə, Paşinyanın prezident olmasıdır. Bu isə müxalifəti narahat edir:
“Ermənistanda normal siyasi fiqur yoxdur. Cəmiyyət də bunun günahını Köçəryanda və Sarkisyanda görür. Onlar Robert Köçəryanın və Serj Sarkisyanın yenidən hakimiyyətə qayıtmasını, parlamentdə təmsil olunmasını istəmir”.

Loading...
Paylaş

Sizin reklam yeriniz     Ölçü: 600x100

+994702372227

Siyasət bölməsinə aid digər xəbərlər
İndi oxunanlar

Brendinizi tanıtmaq üçün ölkənin ən reytinqli media resuslarından olan BUTA.WS saytında reklam bannerlərinin və tanıtım məqalərinin yayınlanması təklif edirik.

Siz həm brendinizin tanınmasının əhəmiyyətli dərəcədə artmasına, həm də məhsullarınız barədə məlumatın geniş yayılmasına nail olacaq, və həmçinin şirkətlərinizin internet saytlarının ziyarət edilməsinin sadə üsülla çoxalması imkanını əldə edəcəksiniz.

Daha ətraflı məlumat üçün: +99470 2372227

Bağla

Facebook səhifəmizi bəyənin

“BUTA.WS” xəbər portalı 2019-ci il aprel ayının 25-dən fəaliyyətə başlayıb. Saytın yaradılmasında məqsəd oxucularına Azərbaycanda, eləcədə regionda və dünyada baş verən hadisələrin operativ və obyektiv təhlilini təqdim etmək, ölkəmiz üçün əhəmiyyətli olan hadisələrin şərhini verməkdir.

“BUTA.WS” internet portalı tam müstəqil informasiya siyasəti həyata keçirən media qurumudur. Bunu rəhbər tutaraq Azərbaycanda fəaliyyət göstərən bütün dövlət qurumlarını, siyasi partiyaları, yazılı və elektron mətbuatı, media təşkilatlarını, QHT-ləri, hüquq-mühafizə orqanlarını və vətəndaşları aktiv əməkdaşlığa dəvət edirik.

“BUTA.WS” xəbər saytının rəhbəri Xəyal Abdullayevdir.

Əlaqə: Telefon / Whatsapp: +994 70 2372227

E-mail: [email protected]

Bağla