Ana səhifə   |    Haqqımızda   |    Reklam
+994702372227
USD: 1.7000
EUR: 1.8902
RUB: 0.0254
TRY: 0.3230

"Müharibə zonasına heç bir aidiyyatı olmayan böyük bir şəhərin vurulması sıradan bir teror hadisəsi deyil"

Siyasət
"Müharibə zonasına heç bir aidiyyatı olmayan böyük bir şəhərin vurulması sıradan bir teror hadisəsi deyil"

"Ötən gecə Gəncə sakinləri yenə də açıq terrorla, vandalizmlə, soyqırımla üz-üzə qaldılar. Tarixi paytaxtımız olan Gəncə şəhəri növbəti dəfə vəhşicəsinə bombalandı. Dinc vətəndaşlarımız həlak oldu. Ölənlər arasında körpələr də var. Müharibə zonasına heç bir aidiyyatı olmayan böyük bir şəhərin gecə saatlarında operativ-taktiki raketlə vurulması sıradan bir teror hadisəsi deyil. Bu açıq-aşkar dövlət terrorudur. Ermənistan bu hərəkəti ilə növbəti dəfə təkcə bizə yox, bütün dünyaya meydan oxudu və rəsmən terror dövləti olduğunu sübut etdi".


Bu barədə Buta.ws-ə açıqlamasında Milli Həmrəylik Partiyasının (MHP) sədri Əlisahib Hüseynov bildirib.

 

Biz uzun zaman idi ki, Ermənistanın dövlət terrorizmi ilə məşğul olmasını bütün beynəlxalq təşkilatların diqqətinə çatdırmağa çalışırdıq. Lakin heç kim Azərbaycanın haqq səsini, “SOS!” siqnalını eşitmək istəmirdi. Budur, Ermənistanın hərbi-siyasi rəhbərliyi artıq üçüncü dəfə Gəncəni bu cür dağıdıcı şəkildə bombalamaqla öz terorçu mahiyyətini, vandal xarakterini ortaya qoydu və nə beynəlxalq hüquqla, nədəki ümumbəşəri dəyərlərlə hesablaşmadığını nümayişkaranə şəkildə göstərdi.


Bu dəfə artıq BMT və ATƏT-in Minsk Qrupu Ermənistanın Gəncəyə raket atəşini pisləməklə, quru diplomatik bəyanat verməklə öz işlərini bitmiş, missiyalarını yerinə yetirmiş hesab edə bilməzlər. Onlar işğalçı Ermənistanın avantürist hərbi-siyasi rəhbərliyinin barbarlığını durdurmaq üçün təcili hərəkətə keçməli, Nikol Paşinyan, David Tonoyan və Zöhrab Mnasakanyan “üçlüy”ünün beynəlxalq hüquq normaları əsasında cəzalandırılması üçün siyasi iradə nümayiş etdirməlidirlər. Bu qədər vəhşiliklərə, ədalətsizliklərə məruz qalmış Azərbaycan xalqını sadəcə diplomatik terminlərdən ibarət bəyanatlar verməklə ovutmaq olmaz.


Dünyada sülhün, ədalətin bərqərar olması üçün məsuliyyət daşıyan beynəlxalq təşkilatlar bu insanlıq cinayətinə, bu soyqırıma seyrçi qalmamalıdır. Onlar Azərbaycan xalqının acılarına, müsibətlərinə həssaslıqla yanaşmalıdırlar, valideynlərini itirmiş uşaqların, körpələrini itirmiş ata-anaların faciəsini öz faciələri kimi hiss etməli və Azərbaycanın Ali Baş Komandanı İlham Əliyevin haqlı mövqeyinə anlayış göstərməlidirlər. Hər zaman terrora qarşı olduqlarını deyən beynəlxalq təşkilatlar və dünya liderləri indi Azərbaycanın yanında yer almalı, ölkəmizin apardığı antiterror əməliyyatına dəstək verməlidirlər. Biz dünyanın bütün sülhsevər qüvvələrini Ermənistanın faşist, terrorist əməllərinə son qoyulması üçün antiterror birliyinin yaradılmasına çağırırıq!

Loading...
Paylaş

Sizin reklam yeriniz     Ölçü: 600x100

+994702372227

Siyasət bölməsinə aid digər xəbərlər
İndi oxunanlar

Brendinizi tanıtmaq üçün ölkənin ən reytinqli media resuslarından olan BUTA.WS saytında reklam bannerlərinin və tanıtım məqalərinin yayınlanması təklif edirik.

Siz həm brendinizin tanınmasının əhəmiyyətli dərəcədə artmasına, həm də məhsullarınız barədə məlumatın geniş yayılmasına nail olacaq, və həmçinin şirkətlərinizin internet saytlarının ziyarət edilməsinin sadə üsülla çoxalması imkanını əldə edəcəksiniz.

Daha ətraflı məlumat üçün: +99470 2372227

Bağla

Facebook səhifəmizi bəyənin

“BUTA.WS” xəbər portalı 2019-ci il aprel ayının 25-dən fəaliyyətə başlayıb. Saytın yaradılmasında məqsəd oxucularına Azərbaycanda, eləcədə regionda və dünyada baş verən hadisələrin operativ və obyektiv təhlilini təqdim etmək, ölkəmiz üçün əhəmiyyətli olan hadisələrin şərhini verməkdir.

“BUTA.WS” internet portalı tam müstəqil informasiya siyasəti həyata keçirən media qurumudur. Bunu rəhbər tutaraq Azərbaycanda fəaliyyət göstərən bütün dövlət qurumlarını, siyasi partiyaları, yazılı və elektron mətbuatı, media təşkilatlarını, QHT-ləri, hüquq-mühafizə orqanlarını və vətəndaşları aktiv əməkdaşlığa dəvət edirik.

“BUTA.WS” xəbər saytının rəhbəri Xəyal Abdullayevdir.

Əlaqə: Telefon / Whatsapp: +994 70 2372227

E-mail: [email protected]

Bağla