Hazırda Bakı bazarlarında orta ölçülü bir qoyunun qiyməti 330–350 manat arasında dəyişir. Satıcılar bildirirlər ki, bayram günü qiymətlər daha da arta bilər. Binə və Şüvəlan ərazilərində qoyun və quzunun diri çəkisinin hər kiloqramı 11 manata, əti isə 22 manata təklif olunur. Regionlarda qiymətlər nisbətən münasibdir.
Bu barədə BUTA.TV-a açıqlamasında Liberal İqtisadçılar Mərkəzinin sədri Akif Nəsirli deyib.
O bildirib ki, ötən il qurbanlıq qoyunların qiyməti 180–230 manat arasında dəyişirdisə, bu il qiymətlər 300 manatdan başlayır:
“Ötən il 250 manata satılan qoyunlar bu il 320–350 manata qədər yüksəlib. Fikrimizcə, qiymət artımının əsas səbəbi istehsal xərclərinin yüksəlməsidir. Belə ki, yem, baytarlıq preparatları, nəqliyyat və saxlama xərclərində son bir il ərzində təxminən 20 faizə yaxın bahalaşma qeydə alınıb.
Bundan əlavə, ölkədə xırdabuynuzlu mal-qaranın sayı son bir il yarım ərzində təxminən 1 milyon baş azalıb ki, bu da qiymətlərə ciddi təsir göstərən amillərdən biridir. Ümumilikdə, ötən illə müqayisədə bu il qurbanlıq qoyunların qiyməti təxminən 30–40 faiz artıb”.
- Elnarə Rzayeva barəsində yeni hökm çıxarıldı
- Əliyev Kavelaşvilini təbrik etdi
- Azərbaycanda elmlər doktoru vəfat etdi - Foto
- ABB-nin Gəncə filialı yenilənmiş binasında xidmətə başladı
- Bakıda evin mətbəxi kollektora düşdü - Video
- Mübariz Əkbərovun səlahiyyət müddəti başa çatdı
- Bakı-Tiflis qatarı ilə səfər edən əcnəbilərin nəzərinə!
- Yol polisindən sürücülərə müraciət