ABŞ-ın Azərbaycandakı səfirliyi bu gün fəaliyyət göstərməyəcək.
BUTA.TV xəbər verir ki, buna səbəb amerikalıların Anım Gününü (Memorial Day) qeyd etməsidir.
"Hər il amerikalılar Anım Günündə (Memorial Day) ABŞ Silahlı Qüvvələrində xidmət keçərkən həyatını qurban vermiş qəhrəman qadın və kişiləri ehtiramla yad edirlər. Amerika müstəqilliyinin 250 illiyini qeyd etdiyi bir dövrdə biz azadlıq, sülh və bizi birləşdirən dəyərlər uğrunda canından keçən insanları minnətdarlıqla xatırlayırıq. Onların fədakarlığı heç vaxt unudulmayacaq. Nəzərinizə çatdırırıq ki, ABŞ səfirliyi bayram münasibətilə mayın 25-i, bazar ertəsi günü bağlı olacaq", - səfirliyin paylaşımında vurğulanıb.
Xatırladaq ki, Anım Günü (Memorial Day) ABŞ-də hərbi xidmət zamanı həyatını itirən kişilərin və qadınların xatirəsinə həsr edilmiş və may ayının son bazar ertəsi günü keçirilən Amerika bayramıdır. Bir çox amerikalılar Anım Günündə qəbiristanlıqları və abidələri ziyarət edir, ailələri ilə birgə toplaşaraq paradlarda iştirak etməklə qeyd edirlər. ABŞ şəhərləri hər il tez-tez hərbi heyətin və veteran təşkilatlarının birgə iştirakı ilə Anım Gününün şərəfinə paradlar keçirirlər.
- Məhkəmədən Tarix Əliyevlə bağlı qərar
- Bayram namazı nə vaxt qılınacaq?
- 94 yaşlı nənə və nəvəsi dəm qazından zəhərləndi, biri öldü
- Sabah Bakıya yağış yağacaq
- DSX və DİN-dən İran sərhədində birgə əməliyyat - Foto
- İyunda 2 dəfə ardıcıl 3 gün iş olmayacaq
- SOCAR-a yeni mətbuat katibi təyin olundu - Foto
- Qəfil vəfat edən Leysan tanınmış ailənin övladı imiş - Fotolar