Türkiyə Mərkəzi Bankı cümə axşamı faiz dərəcələrini artıra bilər.

BUTA.TV xəbər verir ki, bu barədə “Hürriyet” məlumat yayıb.

“Cümə axşamı Mərkəzi Bankın Pul Siyasəti Komitəsinin iclası keçiriləcək. İclasa ilk dəfə Mərkəzi Bankın rəhbəri Hafizə Qayə Ərkal sədrlik edəcək”, - məlumatda deyilir.

Qeyd olunur ki, faiz dərəcələri artırılacaq, lakin kəskin deyil:

“Türk lirəsinin xarici valyutalara nisbətdə ucuzlaşması üç həftədir ki, davam edir. Bazar ertəsi səhər bir dollar 23,63 lirə təşkil edir. Türkiyə Mərkəzi Bankı uzun müddətdir ki, uçot dərəcəsini dəyişmir, indi 8,5%-dir. Prezident Ərdoğan isə hakimiyyətdə olduğu müddətdə faizlərin aşağı salınacağını bildirmişdi”.

Qeyd edək ki, Türkiyədə Mehmet Şimşək maliyyə və xəzinə naziri təyin ediləndən dərhal sonra Mərkəzi bankın sədrliyinə də Hafizə Qayə Ərkal gətirilib. Dünyanın tanınmış iqtisadçılarından olan hər iki şəxsin Türkiyə iqtisadiyyatına xüsusi töhfə verəcəyi gözlənilir.

• Cəbrayıldakı yarmarkada 100-ə yaxın vakansiya təqdim edilib
• Azərbaycanlı gəncin qətli ilə bağlı 11 nəfər saxlanıldı
• Güclü külək əsəcək - Sarı xəbərdarlıq
• Metrodakı texniki insidentə görə avtobusların sayı artırıldı
• Anar Bayramov onları da işdən çıxardı
• Anar Əliyev İndoneziya səfiri ilə görüşdü
• Biləcəridə 2 otaq studiya mənzillər satışa çıxdı - “Kristal”
• Yalnız onlar maliyyə icarəsi xidməti göstərə biləcək