Ötən yay PSJ-dən "İnter Mayami"yə keçən argentinalı hücumçu Lionel Messi MLS təmsilçisi ilə rekord məbləğdə müqavilə imzalayıb. 

Qaynarinfo MLS Futbolçular Assosiasiyası Argentina millisinin hücumçusunun Amerika liqası tarixində ən yüksək maaşa sahib olduğu barədə hesabat dərc edib.  Lionel Messinin əsas maaşının illik 12 milyon dollar olduğu bildirilir.

Zəmanətli təzminat, o cümlədən əsas əmək haqqı və oyunçunun müqaviləsi ərzində hər il ödənilən bütün imza ödənişləri və bonuslar 20,4 milyon dollardır.  Bundan əlavə, Lionel Messi "Adidas" və "Apple TV"dən ödənişlər alacaq. Bunları nəzərə alsaq, argentinalının illik gəliri 50-60 milyon dollar olacaq. 

Bu, Messini ABŞ-ın üç böyük idman liqasının ən yüksək maaş alan oyunçuları ilə eyniləşdirir: Stiven Karri keçən mövsüm NBA-nın ən çox qazanan oyunçusu kimi 48 milyon dollar qazanıb. Co Berrou ildə 55 milyon dollarlıq müqavilə ilə NFL-in, Castin Verlander 43,3 milyon dollarla MLB-nin ən çox qazananları siyahısına başçılıq edir. 

MLS-in ən çox qazanan futbolçuları reytinqində ikinci yerdə illik 7,5 milyon dollar gəlir və 15,4 milyon dollar zəmanətli təzminatla italiyalı Lorenzo İnsinye ("Toronto") qərarlaşıb. İlk "üçlüy"ü 7,35 milyon dollar maaş və 8,153 milyon dollar təzminatla "Çikaqo Fayr" klubunun oyunçusu Xerdan Şaqiri tamamlayır. 

• Əlilliyi olan 44,6 min şəxsə reabilitasiya xidmətləri göstərilib
• Nəriman Axundzadə ABŞ klubunda 1 milyon maaş alır
• Sağlamlıq imkanları məhdud 42 şagird imtahan verəcək
• Bakıda avtomobildən düşən təkər digər maşına çırpıldı - Video
• Elnarə Rzayevaya şamil edilən amnistiya aktı ləğv edildi
• Bu ərazilərdə 2 gün su olmayacaq
• Sədrin yeni müşaviri o oldu - Foto
• Bakı məktəblərində distant təhsil bu formada aparılacaq - İlk dəfə