Slovakiya Respublikasında rəsmi səfərdə olan Azərbaycan Respublikasının müdafiə naziri general-polkovnik Zakir Həsənov IDEB (International Defence Exhibition Bratislava) Beynəlxalq Müdafiə və təhlükəsizlik konfransında və sərgisində iştirak edib.

BUTA.TV xəbər verir ki, bu barədə Müdafiə Nazirliyi məlumat yayıb.

Sərgidə təqdim olunan müdafiə sənayesi məhsulları ilə tanışlıqdan sonra “Robot tərəfindən təkmilləşdirilmiş partlayıcı qurğunun zərərsizləşdirilməsi” və "Patron FPV” PUA-sı vasitəsilə təkərli və tırtıllı texnikaya hücumun nümayişləri izlənilib.

Səfər çərçivəsində general-polkovnik Z.Həsənov Çex Respublikasının Baş nazirinin müavini və müdafiə naziri cənab Yaromir Zuna ilə görüşüb.

Görüş zamanı tərəflər iki ölkə arasında qarşılıqlı əməkdaşlığın inkişaf perspektivlərini müzakirə ediblər.

• Bu ərazilərdə 2 gün su olmayacaq
• Sədrin yeni müşaviri o oldu - Foto
• Bu tarixlərdə tədris distant formada olacaq – Rəsmi
• Ali məktəbə imtahansız qəbul olmaq istəyənlərin nəzərinə
• Laçında 41 milyona yaşayış məhəlləsi salınacaq
• Zakir Həsənov Slovakiyada sərgidə - Foto
• Şuşaya maşınla gedənlərin nəzərinə: 150 AZN cərimə... - Video
• İşdən çıxan şəxs hansı halda - Geri qayıda bilər?