Məhkəmə-Hüquq Şurasının sabiq əməkdaşı, Yasamal Rayon Məhkəməsinin hakimi Hüseyn Səfərov yeni vəzifəyə təyin olunub.

E-huquq.az-ın məlumatına görə, Naxçıvan Muxtar Respublikası Ali Məclisi sədrinin müavini Anar İbrahimovun sərəncamı ilə o, Naxçıvan Muxtar Respublikası ədliyyə nazirinin müavini təyin edilib. Sərəncamla Naxçıvan Muxtar Respublikasının ədliyyə naziri təyin olunanadək həmin vəzifənin müvəqqəti icrası da Hüseyn Səfərova həvalə edilib.

Qeyd edək ki, H.Səfərov 1999-2010-cu illərdə Məhkəmə-Hüquq Şurası Katibliyinin mütəxəssisi, aparıcı məsləhətçisi, böyük məsləhətçisi kimi çalışıb. 2010-2015-ci illərdə Bakı Şəhəri Binəqədi Rayon Məhkəməsinin hakimi olub. O, 2015-ci ildə Bakı Şəhəri Yasamal Rayon Məhkəməsinin hakimi idi.

Xatırladaq ki, bir müddət əvvəl H.Səfərovun işə velosipedlə gedib-gəlməsi maraqla qarşılanmışdı. Hakim sağlam həyat tərzinə və rahat olduğuna görə işə gedərkən velosipeddən istifadə etdiyini bildirmişdi.

• Bakıda 28 marşrutun hərəkət sxemi dəyişdirilir
• Beş bacı-qardaşın hamısı professordur, ataları akademik - Dosye
• Bakının bu küçəsində nəqliyyatın hərəkəti məhdudlaşdırılır
• “Sabah” finalda uduzur - Canlı+Yenilənir
• 28 marşrutun hərəkət sxemi dəyişdirilir - Bu tarixdən
• TƏBİB məlumat yaydı: Bu xidmət dayandırıldı
• Fədayə Laçın Buzovna çimərliyində ilanları paylaşdı - Video
• Azərbaycanda bu kəndlərə dolu düşdü, şimşək çaxdı