Azərbaycan MDB-nin işində iştirak etməyə həmişə böyük əhəmiyyət verib.

BUTA.TV xəbər verir ki, bunu Prezident İlham Əliyev oktyabrın 11-də MDB-yə üzv dövlətlərin təhlükəsizlik və xüsusi xidmət orqanları rəhbərləri şurasının 53-cü iclasının iştirakçıları ilə görüşdə deyib.

Bütün istiqamətlər üzrə, o cümlədən təhlükəsizliyin möhkəmləndirilməsi sahəsində sıx təmasların mövcud olduğunu vurğulayan dövlətimizin başçısı bildirib:

“Sizin işiniz, həmçinin həmkarlar arasında qarşılıqlı fəaliyyət hazırkı mürəkkəb beynəlxalq şəraitdə xüsusi əhəmiyyətə malikdir, çünki təhdidlər artır, yeni qeyri-sabitlik ocaqları yaranır və ölkələrimizin sabitliyi və təhlükəsizliyi bir çox hallarda sizin strukturların operativ işindən asılıdır”.

Daim operativ informasiya mübadiləsinin aparılmasının önəmini də xüsusi qeyd edən Azərbaycan Prezidenti deyib:

“İnformasiya, o cümlədən onun qəbul edilməsi və ona reaksiya verilməsi baxımından böyük əhəmiyyətə malikdir. Əlbəttə ki, ölkələrimiz arasında sıx qarşılıqlı fəaliyyət əməkdaşlığın səmimi, məqsədyönlü, nəticəyə və mümkün təhdidlərin profilaktikasına və ya aradan qaldırılmasına yönəlmiş əməkdaşlıq üçün gözəl imkanlar yaradır”.

• Bakıda 28 marşrutun hərəkət sxemi dəyişdirilir
• Beş bacı-qardaşın hamısı professordur, ataları akademik - Dosye
• Bakının bu küçəsində nəqliyyatın hərəkəti məhdudlaşdırılır
• “Sabah” finalda uduzur - Canlı+Yenilənir
• 28 marşrutun hərəkət sxemi dəyişdirilir - Bu tarixdən
• TƏBİB məlumat yaydı: Bu xidmət dayandırıldı
• Fədayə Laçın Buzovna çimərliyində ilanları paylaşdı - Video
• Azərbaycanda bu kəndlərə dolu düşdü, şimşək çaxdı