Azərbaycan hakimiyyəti ölkənin dövlət bayrağını təhqir edən gənc erməni futbolçulara qarşı cinayət təqibinə son qoymaqla alicənablıq nümayiş etdirib.

BUTA.TV Report-a istinadən xəbər verir ki, bunu britaniyalı politoloq və jurnalist Nil Vatson deyib.

Ekspertin fikrincə, "Laçın" sərhəd-buraxılış məntəqəsində saxlanılan erməni gənclərə qarşı cinayət təqibinin dayandırılması Azərbaycan hakimiyyətinin humanistliyini nümayiş etdirir.

N.Vatson qeyd edib ki, gənclərin hərəkətləri bütün azərbaycanlıları dərindən təhqir etməklə yanaşı, həm də Azərbaycan qanunvericiliyinin kobud şəkildə pozulmasıdır:

"Böyük Britaniyada belə bir hərəkət qeyri-qanuni və nifrətin təbliği sayılır".

Xatırladaq ki, Azərbaycanın Dövlət Bayrağına qarşı təhqiramiz hərəkətlər törətməklə bağlı erməni futbolçular "Laçın" sərhəd-buraxılış məntəqəsində saxlanılıblar. Lakin Azərbaycan sonradan humanizm prinsiplərində çıxış edərək bu cinayət təqibini dayandırıb.

Belə ki, onlar inzibati qaydada 10 sutkalıq həbs ediliblər. Məhkəmə qərarı icra olunduqdan sonra həmin şəxslərin Azərbaycandan deportasiyası təmin ediləcək.

• Bu marşrutun hərəkət sxemi müvəqqəti dəyişdirildi
• Bakıda yol bağlandı: Heydərov əraziyə gəldi - Video
• 9-cu siniflərin buraxılış imtahanı keçirildi
• Samuxda avtomobil 52 yaşlı piyadanı vuraraq öldürdü
• DSX-nin V sinfinə qəbul imtahanı keçirildi
• Sabahın hava proqnozu açıqlandı
• Bu prospektdəki tuneldən yağış suları çəkildi - Video
• Bu yolda yağışın fəsadlıarı aradan qaldırıldı - Video