Ana səhifə   |    Haqqımızda   |    Reklam
+994702372227
USD: 1.7000
EUR: 1.8902
RUB: 0.0254
TRY: 0.3230

Həmsədrlər "lent"i əvvələ yığır: “Bu da regionda təhlükəli vəziyyət yaradır” – Emosiyalar gərilib

Siyasət
Həmsədrlər "lent"i əvvələ yığır:     “Bu da regionda təhlükəli vəziyyət yaradır” – Emosiyalar gərilib

Sentyabrın 14-də Parisdə ATƏT-in Minsk Qrupu həmsədrlərinin intensiv müzakirələri keçirilib. Bu barədə ATƏT-in rəsmi saytında məlumat verilib. Həmsədrlər regiondakı vəziyyəti nəzərdən keçirmiş, xüsusilə də iyulun ortalarında Azərbaycan-Ermənistan sərhədində baş verən silahlı toqquşmalardan sonrakı yeni dinamikaya xüsusi diqqət ayırıblar.  Müzakirələr zamanı, həmçinin müvafiq tərəflərin xüsusi və ictimai mesajları və narahatlıqları diqqətlə nəzərdən keçirilərək qiymətləndirilib.

 

Həmsədrlər Azərbaycan Xarici İşlər naziri Ceyhun Bayramov və Ermənistan Xarici İşlər naziri Zöhrab Manatsakanyanla ayrılıqda telefonla danışıblar. Telefon danışığında hər iki ölkənin nazirinə növbəti həftələrdə öz mövqelərini daha aydın şəkildə bəyan etməyə, heç bir ilkin şərt olmadan substantiv danışıqların bərpası məqsədilə onları ATƏT-in Minsk Qrupu həmsədrləri ilə fərdi olaraq üzbəüz görüşə dəvət ediblər.  


Həmsədrlər ATƏT-in mandatına uyğun olaraq, münaqişənin sülh yolu ilə hərtərəfli həlli üçün danışıqlar prosesində aktiv vasitəçi olmaqla bağlı öhdəliklərinə sadiq qaldıqlarını ifadə ediblər.
Yəni, həqiqətənmi, ATƏT-in otuz ilə yaxındır hansı işlə məşğul olduğu bilinməyən Minsk qrupu son hadisələri görmür? Qınamayaq, ola bilsin, artıq yaşlaşıb, gözü zəifləyib və istefaya göndərilmək vaxtı çatıb...


 ATƏT-in Minsk qrupunun növbəti bəyanatı barədə “Sherg.az”a danışan millət vəkili, AŞPA-da Azərbaycan nümayəndə heyətinin rəhbəri Səməd Seyidov sözügedən qurumu sərt tənqid edib:


 “Həmsədrlər dəyişmiş vəziyyəti sonadək başa düşə bilmirlər. Ermənistan faktiki olaraq danışıqlar prosesindən imtina edir, təxribat törədir. Düşmən müharibə niyyətindədir. O, dünya ictimaiyyətini aldatmaq naminə əlindən gələn hər şeyi edir. Əgər Minsk qrupu, həqiqətən, məsələni həll etmək istəyirsə, 1946-cı ildə Cenevredə keçirilən konfransın müddəalarına uyğun olaraq Dağlıq Qarabağdakı qeyri-qanuni məskunlaşmanın qarşısını almalı, yol çəkilişi, iyul təxribatları, muzdluların orduya cəlb edilməsi kimi məqamlarla bağlı konkret olaraq məsələ qaldırmalıdır”.


S.Seyidov, həmçinin bildirib ki, həmsədrlərin məsələyə yanaşması dəyişməlidir:


 “Bu, təkcə Minsk qrupunun yarıtmaz fəaliyyətinin yox, həm də ümumilikdə Qərb diplomatiyasının içəridən çürüdüyünün göstəricisidir. Bu qurum sülhü pozan cinayətkarı ittiham etməyə-etməyə ədalətə çatmaq istəyir. Əlbəttə, mümkün deyil. Fransa ilə Almaniya arasında 100 illərlə müharibə oldu. II dünya müharibəsindən sonra Almaniya cinayətkarları cəzalarını aldılar. Ardınca isə tərəflər dostluq və əməkdaşlığa başlayaraq Avropa Birliyini yaratdılar. Nəticədə ədalət zəfər çaldı.


Beləliklə, inkişafa yol açıldı. Amma  Qərb ədalət məhkəməsini görmək istəmir. İşğala məruz qalan tərəflə, işğalçını eyni masa arxasında əyləşdirmək istəyir. Ədalət məhkəməsi olmadan ədalət qazanmağın mümkünsüzlüyü şübhəsizdir. Ən yaxşı halda müvəqqəti nəticə əldə edilə, atəşkəs yarana bilər. Halbuki bu da real deyil.


Ermənilər hər gün atəşkəsi pozur və layiqli cavabı alırlar. Odur ki, ədalət tapılmalı və regiona gətirilməlidir. Əks halda həmsədrlərin fəaliyyəti sülh danışıqlarına mane olacaq.


Çünki emosiyalar gərilib. Ədalətsiz sülh haqqında danışıldıqca regionda təhlükəli vəziyyət yaranır. Mən görüşlərin əleyhinə deyiləm. Amma ağa “ağ, qaraya “qara” deyilməsi şərti ilə. Yox, həmsədrlər yenə də teotik mülahizələrlə sülh axtaracaqlarsa, bu, nəticəsiz qalacaq”.
 

Loading...
Paylaş

Sizin reklam yeriniz     Ölçü: 600x100

+994702372227

Siyasət bölməsinə aid digər xəbərlər
İndi oxunanlar

Brendinizi tanıtmaq üçün ölkənin ən reytinqli media resuslarından olan BUTA.WS saytında reklam bannerlərinin və tanıtım məqalərinin yayınlanması təklif edirik.

Siz həm brendinizin tanınmasının əhəmiyyətli dərəcədə artmasına, həm də məhsullarınız barədə məlumatın geniş yayılmasına nail olacaq, və həmçinin şirkətlərinizin internet saytlarının ziyarət edilməsinin sadə üsülla çoxalması imkanını əldə edəcəksiniz.

Daha ətraflı məlumat üçün: +99470 2372227

Bağla

Facebook səhifəmizi bəyənin

“BUTA.WS” xəbər portalı 2019-ci il aprel ayının 25-dən fəaliyyətə başlayıb. Saytın yaradılmasında məqsəd oxucularına Azərbaycanda, eləcədə regionda və dünyada baş verən hadisələrin operativ və obyektiv təhlilini təqdim etmək, ölkəmiz üçün əhəmiyyətli olan hadisələrin şərhini verməkdir.

“BUTA.WS” internet portalı tam müstəqil informasiya siyasəti həyata keçirən media qurumudur. Bunu rəhbər tutaraq Azərbaycanda fəaliyyət göstərən bütün dövlət qurumlarını, siyasi partiyaları, yazılı və elektron mətbuatı, media təşkilatlarını, QHT-ləri, hüquq-mühafizə orqanlarını və vətəndaşları aktiv əməkdaşlığa dəvət edirik.

“BUTA.WS” xəbər saytının rəhbəri Xəyal Abdullayevdir.

Əlaqə: Telefon / Whatsapp: +994 70 2372227

E-mail: [email protected]

Bağla