Ana səhifə   |    Haqqımızda   |    Reklam
+994702372227
USD: 1.7000
EUR: 1.8902
RUB: 0.0254
TRY: 0.3230

Həyat – mübarizədir, Bilik – ən qüdrətli silah

Maraqlı
Həyat – mübarizədir, Bilik – ən qüdrətli silah

Bilik gününü adətən məktəblə əlaqələndiririk. Bilik həqiqətənmi yalnız məktəb həyatında mühüm rol oynayır?


Hələ qədim dövrlərdə insan onu əhatə edən gerçəkliyi dərk etməyə çalışıb. Bu, həm marağın təzahürü, həm də özünü qorumaqla yaşamaq istəyinin ifadəsi olub. Ətraf mühitlə tanışlıq, onun bütün incəlikləri ilə dərk edilməsi bəşər övladının vəhşi təbiətin sərt qanunlarına uyğunlaşaraq inkişaf etməkdə olan təkamül pillələrində yüksəlişini təmin edib. 



“Bilik – nur, cahillik – zülmətdir” kəlamı ilə kamillik zirvəsinə ucalan insan yenilməzdir. Güclüdür və məğlubedilməzdir.  Biliklərə yalnız məktəbdə sahib olmuruq. Həyat özü böyük və hər anı sınaqla bitən məktəbdir.



Mustafa Kamal Atatürk demişkən: “Biz cahil dediyimiz zaman, məktəbdə oxumamış olanları nəzərdə tutmuruq. Nəzərdə tutduğumuz elm, həqiqəti bilməkdir. Yoxsa oxumuş olanlardan ən böyük cahillər çıxdığı kimi, heç oxumaq bilməyənlərdən də həqiqəti görən gerçək alimlər çıxa bilər”.



Bütün həyatımız biliklərin davamlı əldə edilməsi, onların dərk edilməsi, düşüncələrə, xəyallara və duyğulara əsaslanan fikirlərin gerçəkləşməsi, praktik həyatda tətbiq edilməsindən ibarətdir. Dahi filosof Sokratın bir kəlamını unutmayaq: “Bilik düzgün tətbiq olunanda xeyir, səhv tətbiq olunanda ziyan verir”.



Sözsüz ki, elmin təsdiqlədiyi məlumatlarla ilk tanışlığımız məktəbdə baş tutur. Oxuyuruq, yazırıq, əzbərləyirik, sualları cavablandırırıq... Bir çox hallarda bilik əldə etmə üsullarına yiyələnmənin daha vacib olduğunu unudaraq...


Gələcək ixtisasımız və ya peşəmizlə bağlı elmi bilikləri universitet auditoriyasında mənimsəyirik... Bəzən sahib olduğumuz biliklərin düzgün tətbiqi ilə bağlı bacarıqlara yiyələnmədən... 



Məktəbdə qazandığımız təhsil və biliklər bizi mürəkkəb və təzadlı həyat yoluna, qarşımıza çıxa biləcək çətin sınaqlara hazırlayır. Məktəb bir bilik məbədi kimi yetkin həyat dünyasına – universitet təhsilinə, peşə və iş aləminə növbəti qapını açır. Müvafiq biliklər olmadan heç bir mütəxəssis nə cəmiyyətə, nə də özünə fayda gətirə bilməz.



Konfutsiyə görə, “biliyə üç yol aparır: ən asanı – təqlid, ən çətini – təcrübə, ən şərəflisi – düşüncədir”. 


Düşüncə və beyin fəaliyyəti olmadan insan digər canlılardan fərqlənməyəcəkdir. Hər bir insan özü özünü bir şəxsiyyət kimi formalaşdırır, fiziki və mənəvi cəhətdən inkişaf etdirir. Bilik - yalnız vasitədir.


Bu vasitədən istifadə etməklə hər bir insan mənəvi aləmini zənginləşdirir, mədəniləşir və müstəqilləşir, yüksək zəka sahibinə çevrilir... Və nəticədə uğur və hörmət qazanır.



Bilik əldə etmək heç də hər zaman asan olmur, onu bəzən zəhmətlə və əzmlə əldə etməli oluruq. Və bu halda damla-damla həyat təcrübəsi toplayan idrakın qələbəsi necə də şirindir! Görkəmli yazıçı Onore de Balzakın söylədiyi fikir təkzibolunmaz həqiqətdir: “Biliyin ağası olmaq üçün zəhmətin köləsi olmaq lazımdır”. 


Dəyişkən həyata yenilik gətirmək, biliyi ilə cəmiyyətə fayda vermək və onu yeni bir inkişaf mərhələsinə çıxarmaq Yer üzündəki hər bir insanın vəzifəsidir.



Əlbəttə, dünyada hər şeyi bilmək qeyri-mümkündür. Lakin mükəmməlliyin həddi-hüdudu yoxdur. Çünki bilik Kainat kimi sonsuzdur. Bu soznsuzluğa qovuşmaq – yaşamaq və yaşatmaq deməkdir. Bəlkə də müdriklər kimi əbədiləşmək deməkdir.


“Həyat – mübarizədir” deyimi hər bir kəsə bəllidir. 


Bu mübarizədə yeganə qüdrətli silah isə BİLİKDİR. Bilikli olaq... Biliklə olaq...

 

Pedaqogika üzrə fəlsəfə doktoru, dosent Oktay Səmədov
 

Loading...
Paylaş

Sizin reklam yeriniz     Ölçü: 600x100

+994702372227

Maraqlı bölməsinə aid digər xəbərlər
İndi oxunanlar

Brendinizi tanıtmaq üçün ölkənin ən reytinqli media resuslarından olan BUTA.WS saytında reklam bannerlərinin və tanıtım məqalərinin yayınlanması təklif edirik.

Siz həm brendinizin tanınmasının əhəmiyyətli dərəcədə artmasına, həm də məhsullarınız barədə məlumatın geniş yayılmasına nail olacaq, və həmçinin şirkətlərinizin internet saytlarının ziyarət edilməsinin sadə üsülla çoxalması imkanını əldə edəcəksiniz.

Daha ətraflı məlumat üçün: +99470 2372227

Bağla

Facebook səhifəmizi bəyənin

“BUTA.WS” xəbər portalı 2019-ci il aprel ayının 25-dən fəaliyyətə başlayıb. Saytın yaradılmasında məqsəd oxucularına Azərbaycanda, eləcədə regionda və dünyada baş verən hadisələrin operativ və obyektiv təhlilini təqdim etmək, ölkəmiz üçün əhəmiyyətli olan hadisələrin şərhini verməkdir.

“BUTA.WS” internet portalı tam müstəqil informasiya siyasəti həyata keçirən media qurumudur. Bunu rəhbər tutaraq Azərbaycanda fəaliyyət göstərən bütün dövlət qurumlarını, siyasi partiyaları, yazılı və elektron mətbuatı, media təşkilatlarını, QHT-ləri, hüquq-mühafizə orqanlarını və vətəndaşları aktiv əməkdaşlığa dəvət edirik.

“BUTA.WS” xəbər saytının rəhbəri Xəyal Abdullayevdir.

Əlaqə: Telefon / Whatsapp: +994 70 2372227

E-mail: [email protected]

Bağla