2023-cü ilin aprelində Naxçıvan Muxtar Respublikasının Şahbuz rayonunun Ermənistanla sərhədboyu ərazisində itkin düşməklə Ermənistan tərəfindən əsir götürülən, daha sonra Azərbaycana təhvil verilən Aqşin Bəbirov cinayət məsuliyyətinə cəlb olunub.
BUTA.TV Teleqraf-a istinadla xəbər verir ki, o, Cinayət Məcəlləsinin 127.2.3 maddəsi üzrə təqsirli bilinib.
Belə ki, Aqşin Bəbirov Sabunçu rayonu ərazisində etibarnamə əsasında idarə etdiyi “KİA Pride” markalı avtomobillə hərəkətdə olarkən digər hərəkət iştirakçısı ilə mübahisə yaşayıb. Mübahisə zamanı Aqşin Bəbirov “Mercedes” markalı avtomobilin sürücüsünə qəza şəraiti yaratdığını bildirib.
Təfərlərin mübahisəsinin davamında Aqşin Bəbirov “Mercedes”in sürücüsünə dəmir parçası ilə zərbə endirib.
Qeyd edək ki, qəsdən sağlamlığa az ağır zərər vurmada ittiham olunan Aqşin Bəbirovun azadlığı 1 il müddətinə məhdudlaşdırılıb.
Xatırladaq ki, Aqşin Bəbirov Azərbaycanla Ermənistan arasındakı razılaşmaya əsasən, 2023-cü ilin dekabrında Hüseyn Axundovla birlikdə əsirlikdən xilas edilmişdi.
- Prezident fərman imzaladı
- Kamran Əsədovun məhkəməsi: Səhhətim pisləşib...
- Magistraturaya qəbulun yekun nəticələri açıqlandı
- “Nar” peşəkar kadr hazırlığı istiqamətində təlimlərə başladı
- Aqşin Bəbirov cinayət məsuliyyətinə cəlb olundu
- Dilənçiliyə görə cəzalar tətbiq ediləcək
- Avtomobilin ön şüşəsinə kağız bildiriş qoyulması ləğv olunur
- Süni intellektlə bunu edənlər həbs olunacaq