Yol hərəkəti qaydalarının pozulması ilə bağlı inzibati qərarların rəsmi təqdim edilməsi artıq SMS bildirişi göndərilən və ya şəxs sənədlərlə elektron qaydada tanış olduğu vaxt hesab ediləcək, avtomobilin ön şüşəsinə kağız bildiriş qoyulması isə ləğv olunur.
BUTA.TV Oxu.az-a istinadla xəbər verir ki, sözügedən məsələ Milli Məclisin Hüquq siyasəti və dövlət quruculuğu və İnsan hüquqları komitələrinin birgə iclaslarında müzakirəyə çıxarılan "Yol hərəkəti haqqında" Qanuna təklif edilən dəyişiklik layihəsində əksini tapıb.
Təklif edilən dəyişiklikdə sənədlərin rəsmi verilməsi vaxtı barəsində inzibati xəta haqqında iş üzrə icraat aparılan şəxsə SMS məlumat çatdırıldığı vaxt və ya müvafiq sənədlərlə tanış olduğu vaxt hesab ediləcək.
Bundan başqa, qanun layihəsində dayanma və ya durma qaydalarının, parklanma qaydalarının pozulmasına görə İnzibati Xətalar Məcəlləsində nəzərdə tutulmuş qaydada tərtib edilən inzibati xəta haqqında qərarın surətinin nəqliyyat vasitəsinin ön şüşəsinə qoyulması tələbinin aradan qaldırılması təklif olunur.
Bildirilib ki, bu da sənədlərin çatdırılması real vaxt rejimində həyata keçirildiyi üçün kağız formatın aradan qalxması zərurətindən yaranıb.
- Prezident fərman imzaladı
- Kamran Əsədovun məhkəməsi: Səhhətim pisləşib...
- Magistraturaya qəbulun yekun nəticələri açıqlandı
- “Nar” peşəkar kadr hazırlığı istiqamətində təlimlərə başladı
- Aqşin Bəbirov cinayət məsuliyyətinə cəlb olundu
- Dilənçiliyə görə cəzalar tətbiq ediləcək
- Avtomobilin ön şüşəsinə kağız bildiriş qoyulması ləğv olunur
- Süni intellektlə bunu edənlər həbs olunacaq