Məşhur aktyor Ceki Çanın yeni filmi ilk dəfə Mərkəzi Asiyada çəkiləcək.
“BUTA.TV” xəbər verir ki, bununla bağlı xarici KİV məlumat yayıb.
Bildirilib ki, “Armour of God IV: Ultimatum” (“Tanrının zirehi: Ultimatum”) adlı filmin 4-cü hissəsinin çəkilişləri Qazaxıstanda və Azərbaycanda baş tutacaq.
Aktyor sözügedən filmdə məşhur “Asian hawk” (“Asiya qartalı”) obrazını canlandıracaq. Belə ki, həmin personajın macəralarının davamını görəcəyik. Bu dəfə o, dəyəri 20 milyon dollardan çox olan “Tumar” adlı qədim artefaktı ələ keçirmək üçün başlanmış qlobal kampaniyanın iştirakçısı olacaq.
Qeyd olunub ki, rejissoru Robert Kun, prodüserləri isə Esmond Ren və İqor Tsay olan filmin çəkilişləri iyul ayında başlayacaq. Bu film “Salem Entertainment” şirkəti tərəfindən istehsal olunur.
“Armour of God IV: Ultimatum”un 2027-ci ilin ikinci yarısında dünya üzrə nümayişi nəzərdə tutulub.
“Bu, qazax tərəfdaşlarla ilk layihəmdir, amma sonuncu olmayacaq. Mən əvvəllər orada film çəkməmişəm”, - Ceki Çan bildirib.
- Fuad Allahverdiyevi ittiham edən keçmiş həyat yoldaşına - 10 il 6 aylıq cəza verildi
- Buraxılış imtahanında bu tətbiq edilə bilər - DİM sədri
- Təyyarə reysləri azalır, uçuşlar ləğv edilir - Nə baş verir?
- Sabiq rektor vəfat etdi - Foto
- Tanınmış hakim təqaüdə göndərildi
- Azərbaycanda bu mənzillər ucuzlaşa bilər
- Bu əcnəbilər 30 günlük qeydiyyatdan azad edildi
- Psixoloq dindarlarla bağlı açıqlamasına görə prokurorluğa çağırıldı