Türkiyə Respublikasının Kayseri şəhər rəhbərliyi, bələdiyyə sədrləri, ali təhsil müəssisələrinin rektorları, siyasi partiyaların Kayseri şəhər təşkilatlarının rəhbərləri və Kayseridən seçilmiş millət vəkillərindən ibarət nümayəndə heyəti ölkəmizdə səfərdədir.

BUTA.TV xəbər verir ki, səfər çərçivəsində qonaqlar Xankəndidə, Qarabağ Universitetində və Xocalıda olublar.

Nümayəndə heyətinin arasıda Türkiyə Böyük Millət Məclisinin Milli müdafiə komissiyasının sədri, sabiq müdafiə naziri Hulusi Akar olub.

Qonaqları Prezidentin Xankəndi şəhərində yerləşən Xüsusi nümayəndəliyinin əməkdaşları qarşılayıblar.

Onlar Xankəndidə gedən yenidənqurma işlərini Zəfər meydanından izlədikdən sonra Qarabağ Universitetində tələbə heyəti ilə görüş keçiriblər.

Qonaqlar daha sonra Xocalı rayonuna səfər edib, orda aparılan tikinti-bərpa işləri ilə tanış olublar.

Xatırladaq ki, Azərbaycanın mədəniyyət paytaxtı Şuşa ilə Türkiyənin ən qədim şəhərlərindən biri olan Kayseri arasında qardaşlaşmış şəhərlər haqqında protokol imzalanıb.

• “2 oğlum var, qaz və yol olmadığına görə qoyub gediblər” - Video
• Daha bir xəstəxananın direktoru vəzifəsindən azad edildi
• Erməni məhsulları gizlicə Bakı bazarında satılır? – VİDEO
• Bakıda ilk: Üztanıma ilə ödəniş etmək olacaq
• Nazir universitet və kolleclərlə bağlı əmr imzaladı
• Bakıda 28 marşrutun hərəkət sxemi dəyişdirilir
• Beş bacı-qardaşın hamısı professordur, ataları akademik - Dosye
• Bakının bu küçəsində nəqliyyatın hərəkəti məhdudlaşdırılır