“Laçın” adının verildiyi, modernləşdirilmiş “SU-25 ML” markalı qırıcı təyyarəsi Azərbaycan Hərbi Hava Qüvvələrinə təhvil verilib.

BUTA.TV APA-ya istinadən xəbər verir ki, bu barədə Türk Aviasiya və Kosmik Sənaye Şirkətindən məlumat verilib.

Bildirilib ki, sözügedən qırıcı analoqlarından bir sıra cəhətlərinə görə fərqlənir. Onlardan biri həmin təyyarənin idarə olunabilən “Teber” aviasiya bombaları və raketlər, eləcə də qanadlı raketləri idarə etməyə imkan verən avadanlıqlarla təchiz olunmasıdır. Həmin silahlar da məhz Türkiyədə istehsal edilib.

Bununla yanaşı, təyyarənin komplektasiyasına raketləri lazer vasitəsilə istiqamətləndirə bilən KGK tipli avadanlıqlar da daxil edilib. Təyyarələrdə qanadların açılması hesabına uçuş məsafəsinin artırılması, kəskin hava şəraitində müşahidə qabiliyyətinin yüksəldilməsi, eləcə də ANS/KKS proqram təminatı da quraşdırılıb.

Xatırladaq ki, “Laçın” təyyarələrində nəzərdə tutulan “KGK” avadanlığının əsas üstünlüyü raketin buraxıldığı yerdən 110 kilometrlik məsafədəki hədəfi məhv edə bilməsi üçün doğru istiqamətləndirmək, eləcə də 37 kilometrdən də artıq yüksəklikdən atılan raketi belə dəqiq tuşlamaq qabiliyyətidir.

• Azərbaycan-İran yeni sərhəd keçid məntəqəsi istifadəyə verilir
• "Park Yasamal"da ipoteka imkanı ilə hazır mənzillər – "Kristal"
• May ayının havası: intensiv yağışlar...
• Türkiyə Sevinc Hüseynovanı Azərbaycana təhvil verdi
• Kür qalxdı: Kəndləri birləşdirən körpü su altında qaldı - Foto
• Bakıda 61 milyonluq təmir işləri həyata keçiriləcək
• Xalıq Rəhmanova yüksək vəzifə verildi
• 30 illik baş həkimin xəstəxanasında reagent yoxdur