Kreml sahibi Vladimir Putin üçün yolun sonu görünməyə başladı. Putin çıxışında təsadüfən 1917-ci ili xatırlatmadı. Putin ikinci Nikolayın yolu ilə gedir.
BUTA.TV xəbər verir ki, bu sözləri politoloq Elxan Şahinoğlu “Vaqner”in Rusiyada qiyamı və Vladimir Putinin xalqa müraciəti haqda bildirib.
O qeyd edib ki, İkinci Nikolay gərəksiz halda “serb qardaşlarımıza dəstək” bəhanəsiylə Rusiya imperiyasını Birinci Dünya müharibəsinə daxil etdi:
“Müharibədə Rusiya imperiyasının vəziyyəti ağırlaşdı, itkiləri artdı, iqtisadiyyat çökdü, bundan istifadə edən bolşeviklər hakimiyyəti ələ keçirdilər, İkinci Nikolayı da ailəsi ilə güllələdilər. 100 ilin hadisələri ilə bugünkü hadisələr arasındakı fərq sadəcə bundan ibarətdir ki, bolşeviklər İkinci Nikolayın düşməni idilər, “Vaqner” muzdlu qruplaşması və qruplaşmanın rəhbəri Priqojin isə Putinin məhsuludur, o özü bunları yaradıb və indi bunun ağrısını çəkir.
Priqojin son aylarda müharibə haqqında real vəziyyəti söyləyənlərdən biri idi. Priqojin yaxın günlərdə həbs olunmasa və ya öldürülməsə, Rusiya 100 il əvvəlki vətəndaş müharibəsinə sürüklənəcək. Müharibə və ordu haqqında doğruları söylədiyinə görə Rusiya cəmiyyətində və orduda Priqojinə rəğbət artmışdı. Putin köhnə dostunu dayandıra bilməsə, vəziyyət Kreml sahibi üçün qəlizləşəcək.
Mövcud durum Qərbin, Ukraynanın və nə gizlədək, Azərbaycanın da maraqlarına cavab verir. Rusiyanın başı özünə qarışmalıdır ki, əlini qonşu ölkələrdən çəksin. Rəhmətlik öndərimiz Məhəmməd Əmin Rəsulzadə demişkən, Rusiya zəiflməyənə qədər qonşu dövlətlərə rahat həyat olmayacaq. Putin Priqojini bir yolla neytralşdırsa belə, Rusiyanın Ukraynadakı müharibəni əvvəlki güclə aparması çətinləşəcək. Rusiya cəmiyyətində həm Putinə inam azalacaq, həm də müharibədən yorğunluq özünü göstərəcək”.
- Bu gün Mingəçevirin bu ərazilərində işıq olmayacaq
- Xırdalan şəhərinin bir hissəsində işıq olmayacaq
- Diqqət: Magistral yollarda görmə məhdudlaşacaq
- Bakının bu yollarında təmir işləri həyata keçiriləcək
- Bu rayonun təhsil sektor müdiri işdən çıxarıldı - Səbəb
- 30 il əvvəl törədilən qətlin üstü açıldı: saxlanılanlar var
- Cəbrayıldakı yarmarkada 100-ə yaxın vakansiya təqdim edilib
- Azərbaycanlı gəncin qətli ilə bağlı 11 nəfər saxlanıldı