ABŞ Prezidentinin milli təhlükəsizlik üzrə müşaviri Ceyk Sallivan bu həftə sonu Kiyev hökuməti adından Rusiyanın Ukraynaya təcavüzünü pisləməyən bir sıra inkişaf etməkdə olan ölkələrin nümayəndələri ilə qeyri-rəsmi görüş üçün Danimarkaya səfər edəcək.

BUTA.TV xəbər verir ki, bu barədə “Faynənşl Tayms” mənbələrə istinadla məlumat yayıb.

Mənbənin məlumatına görə, Sallivan Kopenhagendə Hindistan, Braziliya və CAR kimi ölkələrin nümayəndələri ilə görüşdə iştirak etməyə razılaşıb.

“İştirakçıların siyahısı hələ təsdiqlənməyib və görüş toplantıya çevrilə bilər. Proses Ukrayna liderlərinin əks-hücum əməliyyatlarının gözlənildiyindən daha yavaş getdiyini etiraf etməsindən sonra baş verib. Türkiyədən və Çindən də rəsmi şəxslər iştirak edə bilər”, - nəşr bildirib.

Qeyd olunub ki, Vaşinqtonun təşəbbüsü Ukraynada uzun sürən müharibə ehtimalının yüksək olması və Qlobal Cənubun Rusiya ilə əməkdaşlığından irəli gələn risklərlə bağlıdır.

Nəşrin mənbələrindən biri bildirib ki, Kopenhagendə keçirilən görüş hər hansı konkret razılaşma və ya nəticə əldə etmək məqsədi daşımır, əksinə, gələcəyin perspektivlərinin öyrənilməsidir.

Qeyd edək ki, Braziliya, Hindistan, CAR və Çin Rusiyanın da daxil olduğu BRİKS-in üzvləridir.

• Bu gün Mingəçevirin bu ərazilərində işıq olmayacaq
• Xırdalan şəhərinin bir hissəsində işıq olmayacaq
• Diqqət: Magistral yollarda görmə məhdudlaşacaq
• Bakının bu yollarında təmir işləri həyata keçiriləcək
• Bu rayonun təhsil sektor müdiri işdən çıxarıldı - Səbəb
• 30 il əvvəl törədilən qətlin üstü açıldı: saxlanılanlar var
• Cəbrayıldakı yarmarkada 100-ə yaxın vakansiya təqdim edilib
• Azərbaycanlı gəncin qətli ilə bağlı 11 nəfər saxlanıldı