İyunun 17-si saat 14:30-dan 14:55-dək Ermənistan silahlı qüvvələrinin bölmələri yenidən Azərbaycan Ordusunun Kəlbəcər və Laçın rayonları istiqamətlərində yerləşən mövqelərini müxtəlif çaplı atıcı silahlardan intensiv atəşə tutub.

Bu barədə BUTA.TV-a Müdafiə Nazirliyindən məlumat verilib.

Ordumuzun qeyd olunan istiqamətlərdə yerləşən bölmələri tərəfindən adekvat cavab tədbirləri görülüb.

Bundan başqa, Rusiya sülhməramlılarının müvəqqəti yerləşdiyi Azərbaycan ərazisindəki qeyri-qanuni erməni silahlı dəstələrinin üzvləri mülki geyimdə Ağdam rayonu istiqamətində yerləşən mövqelərimizin qarşısında uzunmüddətli fortifikasiya qurğularını quraşdırmağa cəhd göstəriblər.

Bölmələrimiz tərəfindən görülən təxirəsalınmaz tədbirlər nəticəsində aparılan işlər dərhal dayandırılıb.

• Latviya prezidenti Ağ Şəhərdə - Foto
• “Azərbaycan Biznes Keys Müsabiqəsi 2026” uğurla başa çatdı
• Sabunçu Tibb Mərkəzinin direktoru da işdən çıxarıldı
• Latviya prezidentinin şərəfinə rəsmi lanç verildi
• Mirələm Cəlalov vəzifəsindən azad edildi
• Metro yenidən bağlanıb? - Rəsmi
• Vüsal Aslanov xəsarət alan sərnişinləri ziyarət etdi
• Xəzər dənizində zəlzələ oldu