Donald Trampın Pensilvaniya ştatında keçirilən seçki kampaniyasına qatılanlar prezidentliyə namizədə atəş açan şəxsi damda görüblər və hadisədən iki dəqiqə əvvəl polisə xəbər veriblər.

BUTA.TV xəbər verir ki, bu barədə “Nyu York Tayms” şahidlərdən birinin lentə aldığı videoya istinadən məlumat yayıb.

Videoda mitinq iştirakçılarının Trampa qarşı sui-qəsdin həyata keçirildiyi ağ binanın damında uzanmış kişiyə işarə etdikləri əks olunub.

Məqalədə qeyd edilir ki, videodakı səs yazısında onların təhlükəsizlik işçilərinin diqqətini cəlb etməyə çalışdığını da eşitmək olar.

NYT-nin məlumatına görə, video Amerika vaxtı ilə saat 18:09-da - atışma səslərinin eşidilməsinə düz iki dəqiqə qalmış lentə alınıb.

Videoda polis məmurunun cinayət yerinə yaxınlaşması da əks olunub, lakin onun şahidlərin xəbərdarlıqlarını eşitdiyi və ya damda potensial atıcı olduğunu bilib-bilmədiyi məlum deyil.

Bundan başqa, videoda atəş açılan binanın yanındakı dayanacaqda üç polis maşını görünür. Lakin bu maşında polis əməkdaşlarının olub-olmaması bəlli deyil.

• Bu gün Mingəçevirin bu ərazilərində işıq olmayacaq
• Xırdalan şəhərinin bir hissəsində işıq olmayacaq
• Diqqət: Magistral yollarda görmə məhdudlaşacaq
• Bakının bu yollarında təmir işləri həyata keçiriləcək
• Bu rayonun təhsil sektor müdiri işdən çıxarıldı - Səbəb
• 30 il əvvəl törədilən qətlin üstü açıldı: saxlanılanlar var
• Cəbrayıldakı yarmarkada 100-ə yaxın vakansiya təqdim edilib
• Azərbaycanlı gəncin qətli ilə bağlı 11 nəfər saxlanıldı