ABŞ senatoru Mark Uorner Prezident Co Baydeni seçki yarışından geri çəkilməyə çağırmaq niyyəti ilə ABŞ Konqresinin yuxarı palatasında partiya yoldaşlarından ibarət qrup yaratmağa çalışır.

BUTA.TV xəbər verir ki, bu barədə mənbələrə istinadən "Vaşinqton Post" məlumat yayıb.

Bildirilib ki, ABŞ Senatının Kəşfiyyat komitəsinin sədri olan Uorner Demokrat Partiyasını təmsil edən senatorları inandırır ki, Bayden respublikaçı Donald Trampla fəlakətli debat performansı fonunda seçki yarışında qala bilməz.

Nəşrin məlumatına görə, qanunvericilər narahatlıqlarını prezidentə çatdırmaq üçün müxtəlif variantları, o cümlədən Ağ Evdə senatorların Baydenlə üzbəüz görüşünü nəzərdən keçirirlər.

Qeyd edək ki, daha öncə də Demokrat Partiyasının 168 nüfuzlu rəsmisi və tərəfdarı Baydeni seçki yarışından geri çəkilməyə çağırıb. Bayden isə seçkidən çəkilmək fikrində olmadığını açıqlayıb.

• Prezident Natiq İbrahimovu bu universitetə rektor təyin etdi
• Naxçıvanda yüksəkvəzifəli şəxs işdən çıxdı
• Bakıdakı bəzi məktəblərdə tədris distant formada olacaq
• Bakıda və bölgələrdə külək güclənəcək - Xəbərdarlıq
• Aeroport şosesində qorxunc qəzanın - Anbaan videosu
• Daşkəsəndə silsilə ağacəkmə aksiyaları keçirildi
• “Araz”dan “Bir kitab, min dünya” təşəbbüsü
• Səfərbərliyin Saatlı şöbəsində əməliyyat: saxlanılanlar var