Parisdə islamafobiyaya əsaslanan növbəti qalmaqal baş verib. “Qızıl top"un qalibi, Fransa millisinin Əlcəzair əsilli hücumçusu Kərim Benzema fələstinlilərə dəstək verdikdən sonra tənqid və təhdidlərə tuş gəlib. Fələstinə dəstək fonunda Marsel şəhərinin vitse-meri postunu tutan islamofob və ermənipərəst Valeri Boyer məşhur futbolçu Kərim Benzemanı Fransa vətəndaşlığından məhrum etməyi təklif edib.

BUTA.TV xəbər verir ki, o, bu barədə sosial şəbəkə hesabında yazıb.

Boyer Benzemanın “Qızıl top”dan məhrum edilməsini istəyib:

“Biz ikili vətəndaşlığı olan dünya şöhrətli fransızın ölkəmizi bu şəkildə biabır, hətta xəyanət etməsini qəbul edə bilmərik. Əgər bu doğrudursa, o zaman Kərimə qarşı sanksiya tətbiq etməyi düşünməliyik”.

O, həmçinin futbolçunun Fransa vətəndaşlığından məhrum edilməsini istəyib.

Fransanın daxili işlər naziri Gerald Darmani də kənarda qalmayaraq Benzemanın guya “Müsəlman Qardaşları” ilə əlaqələrinin olduğunu açıqlayıb.

Qeyd edək ki, futbolçu sosial şəbəkə səhifələrində “Bütün dualarımız haqsız partlayışlarda, nə qadına, nə də uşaqlara aman verilməyən bombaların qurbanı olmuş Qəzza sakinlərinədir” sözlərini yazıb.

Xatırladaq ki, Boyer “artsax” və “miatsum” kimi erməni layihələrinin qızğın tərəfdarıdır. Fransa parlamenti və Senatı tərəfindən qəbul edilmiş “erməni soyqırımı”nın inkarına görə cinayət məsuliyyəti nəzərdə tutan qanun layihəsini məhz o hazırlamışdı.

• Əlilliyi olan 44,6 min şəxsə reabilitasiya xidmətləri göstərilib
• Nəriman Axundzadə ABŞ klubunda 1 milyon maaş alır
• Sağlamlıq imkanları məhdud 42 şagird imtahan verəcək
• Bakıda avtomobildən düşən təkər digər maşına çırpıldı - Video
• Elnarə Rzayevaya şamil edilən amnistiya aktı ləğv edildi
• Bu ərazilərdə 2 gün su olmayacaq
• Sədrin yeni müşaviri o oldu - Foto
• Bakı məktəblərində distant təhsil bu formada aparılacaq - İlk dəfə