Mərkəzi Bankının İdarə Heyətinin 18 oktyabr 2023-cü il tarixli Qərarı ilə “Muğanbank” ASC-nin lisenziyası ləğv olundu.

“BUTA.TV” Ölkə.az-a xəbər verir ki, bunun səbəblərini ölkənin ali bank qurumu izah edib.

“Muğanbank” ASC-nin Prezident Administrasiyasının sabiq rəhbəri Ramiz Mehdiyevin ailə üzvlərinə (Elmir Maqbet oğlu Mehdiyev - 67,74%, Vəfa Əhməd qızı Vəliyevaya - 10,65% və Fəridə Cahandar qızı Mehdiyevaya 10,03%) məxsus olduğu deyilirdi. Daha sonra isə bankın payının böyük hissəsi Odlar Yurdu Universitetinin rektoru, sabiq deputat Əhməd Vəliyevin oğulları - Samir və Munir Vəliyevlərə ötürüldü, Vəliyevlərin Bankdakı payı 10,65%-dən 88,33%-ə, Mehdiyevlərin payı isə 89,35%-dən 11,67%-ə dəyişdi.

Qeyd edək ki, “Muğanbank” ASC bir müddət əvvəl cari ilin üçüncü rübü üzrə maliyyə nəticələrini açıqlamış, zərərlə işlədiyi məlum olmuşdu. Belə ki, bankın sentyabrın 30-na xalis zərəri 1,287 mln manat, yığılmış zərəri 24,938 mln manat olduğu görünür. 

Maraqlıdır ki, Mərkəzi Bank sözügedən bankda kapital adekvatlığı əmsalının 3%-dən aşağı olduğunu desə də, bankın hesabatında bu rəqəmin 21,81%-ə bərabər olduğu görünür. Bu isə bankın riskli durumda olduğunu hesabatlarında gizlətmiş göstərir.

Onu da qeyd edək ki, Mehdiyevlərə bağlı bir digər bank olan “Bank BTB” ASC-nin cəmi kapitalının cari ilin sentyabrın 30-da 50 milyon manatdan aşağı düşməsi (49,222 mln manat) də, riskli məqamlardan biridir. Belə ki, bank üçüncü rübü 987 min manat xalis zərərlə başa vurub. Bankın məcmu kapitalı 52,969 mln manat olsa da, adekvatlıq əmsalı “Muğanbank”ın əmsalına yaxın - 20,63% olaraq göstərilib. Mətbuatda tez-tez “Bank BTB” ASC-nin bağlanma riskinin olduğu yazılır.

Xatırladaq ki, “Bank BTB”nin səhmlərinin 74,99%-i Nigar Mehdiyevaya, 19,01%-i Rza Sadiqə (Müşahidə Şurasının sədri), 6%-i isə Tükəzban Mahmudovaya məxsusdur. Nigar Mehdiyeva Prezident Administrasiyasının sabiq rəhbəri Ramiz Mehdiyevin gəlinidir.

• Əlilliyi olan 44,6 min şəxsə reabilitasiya xidmətləri göstərilib
• Nəriman Axundzadə ABŞ klubunda 1 milyon maaş alır
• Sağlamlıq imkanları məhdud 42 şagird imtahan verəcək
• Bakıda avtomobildən düşən təkər digər maşına çırpıldı - Video
• Elnarə Rzayevaya şamil edilən amnistiya aktı ləğv edildi
• Bu ərazilərdə 2 gün su olmayacaq
• Sədrin yeni müşaviri o oldu - Foto
• Bakı məktəblərində distant təhsil bu formada aparılacaq - İlk dəfə