“Cənubi Qafqaz regionunda sülhün təminatı “müxtəlif avro-xeyirxahların dinc birgəyaşayış haqqında axmaq postulatları” deyil, Ermənistanla (müəllif bura “Artsax” adlı qondarma bir qurumu da qatır - red.) Azərbaycan və Türkiyə arasında güclərin hərbi-iqtisadi balansıdır”.

BUTA.TV erməni mediasına istinadən xəbər verir ki, bu barədə yerli siyasi şərhçi Arman Abovyan öz teleqram kanalında yazıb.

“Ermənilər və türklər arasındakı qarşılıqlı düşmənçiliyin şiddəti oxşardır və heç bir şəkildə qarşılıqlı birgəyaşayışın standart demokratik və ya sosial təminatları ilə aradan qaldırıla bilməz. Ermənilərə və azərbaycanlılara tez-tez fransız və almanlardan misallar gətirirlər. Amma ingilis və fransız, isveçli və norveçli, yaxud ukraynalı və polyak nümunələri kökündən yanlışdır, çünki burada fərqli amillər var. Əsrlər boyu eyni mədəni və tarixi birlikdə yaşamış xalqlar eyni siyasi formasiyada birgə yaşaya bilərlər. Ancaq bunu A-dan Z-yə qədər fərqli olan və yəhudilər, fələstinlilər, ermənilər və türk-azərbaycanlılar kimi ümumi birləşdirici “tellərdən” praktiki olaraq məhrum olan xalqların timsalında təsəvvür etmək çətindir.

Ermənilərlə azərbaycanlıların məsələsində də sovet dövründə dinc yanaşı yaşama faktı göstərilir. Buradakı misal daha çox yanlışdır, çünki SSRİ dövründə bir siyasi quruluş formatında “dinc yanaşı yaşamaq” yalnız Sovet İttifaqının nəhəng repressiv aparatı hesabına təmin edilmişdi və bu, konsepsiya çərçivəsindən kənar istənilən münaqişə yatırıla bilirdi”, - deyə Abovyan qeyd edib.

• Əlilliyi olan 44,6 min şəxsə reabilitasiya xidmətləri göstərilib
• Nəriman Axundzadə ABŞ klubunda 1 milyon maaş alır
• Sağlamlıq imkanları məhdud 42 şagird imtahan verəcək
• Bakıda avtomobildən düşən təkər digər maşına çırpıldı - Video
• Elnarə Rzayevaya şamil edilən amnistiya aktı ləğv edildi
• Bu ərazilərdə 2 gün su olmayacaq
• Sədrin yeni müşaviri o oldu - Foto
• Bakı məktəblərində distant təhsil bu formada aparılacaq - İlk dəfə