Lazer müdafiə sistemi İsrail, ABŞ və Kanadanın birgə layihəsidir. Əslində, 2025-ci ildə istifadəyə verilməli idi. Lakin İsraildəki məlum hadisələr səbəbindən onun işə salınması tezləşdirildi.
Bu sözləri BUTA.TV-a SEPAH-ın ehtiyatda olan polkovniki Əli Rzayi İsrailin istifadə etdiyi lazer hava hücumundan müdafiə sistemləri haqqında danışarkən deyib.
O, bu müdafiə sistemlərinin çox xərc tələb etmədiyini bildirib:
“Yeni lazer sistemi İsrailə həm yaxın, həm də uzaqmənzilli raketləri göydə vura bilmək imlanları verdi. HƏMAS-ın atdığı azxərcli yaxınmənzilli raketlərin Dəmir Qübbə ilə dəf olunması maddi cəhətdən itki sayılır. Lazer sisteminin isə bu baxımdan xərci böyük deyil”.
Ronaldonun komandası çempionluğu son saniyədə əldən verdi, tribunada dava düşdü - Video
Onun sözlərinə görə, bu sistemin tətbiqi İran üçün də gözlənilməz olub:
“Lazer sistemlərinin tətbiq olunması İranın planlarını alt-üst etdi. Çünki İran İsraili mənzili 2000 km olan “Şahid-3” raketləri ilə həmişə təhdid edirdi. İran özünün uzaqmənzilli raketlərinə arxayın olduğu üçün Təl-Əvivi bununla qorxudurdu. Artıq Tehranın təhdidlərinə son qoyulmuş oldu. Çünki lazer sistemləri istənilən mənzilli raketləri neytrallaşdırmaq imkanına sahibdir. İran hətta İsrailə raket atmaq istəsə, bu, onun üçün böyük maddi itkiyə səbəb ola bilər”.
Əli Rzayi bu sistemləri əldə edə bilmək üçün SEPAH-ın da böyük layihə üzərində işlədiyini bildirib:
“İranın hazırda belə silahı yoxdur. Bir vaxtlar belə bir sistemi əldə etmək üçün çox çalışdılar. Mən SEPAH-da olduğum dönəmlərdə lazer sistemləri ilə bağlı layihə üzərində iş gedirdi. Hətta yaxın məsafədə sınaq etməyə cəhd etdilər. Lakin sonra hansısa uğurlu nəticələr əldə olunması ilə bağlı xəbər çıxmadı”.
- “General Hospital”da araşdırma başladı
- Xankəndi, Ağdərə və Xocalıda 644 obyekt icarəyə verildi
- Onlar da TƏBİB-də yeni vəzifəyə gətirildilər
- Türkiyə və Azərbaycan generalları görüşdü - Foto
- Pediatriya və Endokrinoloji mərkəzlərə yeni direktorlər təyin olundu
- Türkiyədən idxal edilən bioloji qida məhsulları məhv edildi - Foto
- “28 May” və “Cabbarlı” arasında yeni keçid bu tarixdə açılacaq
- Elxan Əzizov bu şirkətə direktor təyin edildi