Sankt-Peterburq polisi şəhər sakinlərinə hücum edən və döyüşləri lentə alan yeniyetmələrdən ibarət qrupun üzvlərindən biri - 18 yaşlı Timur Muxtarovu saxlayıb.
BUTA.TV "Kommersant"a istinadən xəbər verir ki, saxlanılan Muxtarov hüquq-mühafizə orqanlarının əməkdaşlarına bildirib ki, o, davalarda iştirak etməyib, sadəcə olaraq, davanın videolarını Teleqram kanalında yerləşdirib.
Bundan əlavə, yeniyetmə özlərini "Azərbaycan mafiyası" adlandıran qrupun üzvlərini tanımadığını söyləyib.
Onun sözlərinə görə, bütün videoları ona 17 yaşlı Tural Məmmədov göndərib və o, sadəcə videoları kanala yerləşdirib.
Qeyd edək ki, Tural Məmmədov adlı azərbaycanlının adminlik etdiyi Teleqram kanalında dava videoları Rusiya cəmiyyətində böyük rezons doğurub. Videolarda bir qrup gəncin şəhər sakinlərinə hücum etdiyi, onlara xəsarət yetirməsi əks olunur. Faktla bağlı gənclərə qarşı xuliqanlıq (Rusiya Federasiyası Cinayət Məcəlləsinin 213-cü maddəsi) maddəsi ilə cinayət işi açılıb.
- Bakıda qəza sıxlığa səbəb oldu
- Oktyabrın son günü hava necə olacaq?
- Övladını boğub öldürən Türkiyə vətəndaşına hökm oxundu
- Azərbaycanda Atatürk adına qoyulan qadağa götürüldü
- ANAMA-ya 3 yeni minaaxtaran it təqdim olundu
- Badamdarda qaya parçaları ərazidən götürüldü - Video
- Azərbaycanda vəzifəli şəxslər həbs edildi
- Məşhur bazarın ətrafındakı küçə ticarəti yığışdırılır - Video