Bakıdakı görüşdə qalib gələ və ya məğlub ola bilərik.

BUTA.TV xəbər verir ki, bunu Avstriya millisinin baş məşqçisi Ralf Ranqnik Azərbaycan yığmasına qarşı keçiriləcək AVRO-2024-ün seçmə mərhələ oyunu ərəfəsində mətbuat konfransında deyib. Almaniyalı mütəxəssis qrupu birinci pillədə başa vurmaq arzusunda olduqlarını bildirib:

“İntensiv məşq edirik, matça hazırlaşırıq. Məqsədimiz qrupda birinci yeri tutmaqdır. Futbolçular iki gün əvvəl oyun keçirsələr də, komandada ab-hava yaxşıdır. Çətin təqvimimiz var. Lakin buna hazırıq”.

O, Azərbaycan yığması barədə müsbət fikirlər səsləndirib: “Rəqibimiz son vaxtlar yaxşı oyun nümayiş etdirən komandadır. Keyfiyyətli oyunçuları var. Biz Azərbaycanı zəif rəqib hesab etmirik. Bununla belə, qələbə qazanmaq üçün əlimizdən gələni edəcəyik”.

Qeyd edək ki, oktyabrın 16-da Tofiq Bəhramov adına Respublika stadionunda keçiriləcək Azərbaycan – Avstriya oyunu saat 20:00-da başlayacaq.

• Azər Əhmədov işdən çıxarılması ilə bağlı paylaşım etdi
• Sabah bu rayonlarda qaz olmayacaq
• MEDİA jurnalistlər üçün müsabiqə elan etdi
• Saleh Səmədovun məhkəməsi başladı
• Qurban kəsmək üçün yerlərin - Siyahısı
• “General Hospital”da araşdırma başladı
• Xankəndi, Ağdərə və Xocalıda 644 obyekt icarəyə verildi
• Onlar da TƏBİB-də yeni vəzifəyə gətirildilər