Rusiya prezidenti Vladimir Putin İrana qarşı Fələstin-İsrail münaqişəsinin gərginləşdirilməsində əli olması ilə bağlı ittihamları əsassız adlandırıb.

BUTA.TV Interfax-a istinadla xəbər verir ki, o, Aralıq dənizinin şərqinə ABŞ təyyarədaşıyan qrupunun göndərilməsində məna görmür.

"Mən başa düşə bilmirəm ki, Birləşmiş Ştatlar niyə bir təyyarədaşıyan qrupunu oraya sürükləyir və ikincisini elan edir. Mən, həqiqətən, bunda məna görmürəm. Livanı bombalayacaqlar? - deyə Putin Rusiya Enerji Həftəsi forumunun plenar iclası zamanı deyib. - Yoxsa sadəcə kimisə qorxutmaq qərarına gəliblər? Amma orada insanlar var ki, artıq heç nədən qorxmurlar. Problemi bu yolla həll etmək yox, kompromis həll yolları axtarmaq lazımdır".

Rusiya prezidenti deyib: "İndi eşidirik ki, İran həmişə olduğu kimi, sübut olmadan bütün günahlarda ittiham olunur. Heç bir sübut yoxdur. Görəcəyik, ümid edirəm sağlam düşüncə qalib gələcək".

• Bakının bu küçəsində nəqliyyatın hərəkəti məhdudlaşdırılır
• Finalda erkən qol - Canlı+Yenilənir
• 28 marşrutun hərəkət sxemi dəyişdirilir - Bu tarixdən
• TƏBİB məlumat yaydı: Bu xidmət dayandırıldı
• Fədayə Laçın Buzovna çimərliyində ilanları paylaşdı - Video
• Azərbaycanda bu kəndlərə dolu düşdü, şimşək çaxdı
• Rayonlara yağış, kəndlərə dolu yağıb
• Taksilərdə "Bakı Kart"la ödəniş etmək mümkün olacaq?