Son illər ərzində respublikanın əksər bölgələrində müxtəlif dövrlərdə əkilmiş Eldar şamı ağaclarının kəskin quruması halları müşahidə olunur. Təəssüflər olsun ki, bu cür quruma halları Naftalan şəhərinin yaşıllıq ərazilərində də baş verib.

BUTA.TV xəbər verir ki, bu fikirləri “Naftalan - sağlamlıq və turizmin sinerji mənbəyi: beynəlxalq turizm mərkəzinin inkişaf strategiyası” mövzusunda keçirilən beynəlxalq elmi-praktik konfransda çıxış edən ekologiya və təbii sərvətlər nazirinin müavini Rauf Hacıyev deyib.

"Eldar şamı ağaclarının quruma səbəblərinin araşdırılması ilə bağlı mütəxəssislərimiz tərəfindən müşahidə və müayinələr aparılmış, qabıq böcəklərinin və adi şam yastıcasının Eldar şamı ağaclarına ciddi zərər vurduğu, nəticədə ağacların quruyaraq sıradan çıxdığı müəyyən olunub. Eldar şamının sıx əkildiyi yerlərdə yoluxmaların daha kütləvi hal aldığı müşahidə olunub", - nazir müavini diqqət çatdırıb.

O bildirib ki, zərərvericinin daha geniş ərazilərə yayılmasının qarşısının alınması məqsədilə yaşıllıqlara göstərilən sağlamlaşdırıcı tədbirlər genişləndirilməli, ağaclara mütəmadi aqrotexniki qulluq olunmalıdır.

• AFFA prezidenti "Sabah"ı təbrik etdi
• “2 oğlum var, qaz və yol olmadığına görə qoyub gediblər” - Video
• “Vurulan qollar sualların cavabı idi” - Rəşad Sadıqov
• Daha bir xəstəxananın direktoru vəzifəsindən azad edildi
• Erməni məhsulları gizlicə Bakı bazarında satılır? – VİDEO
• Bakıda ilk: Üztanıma ilə ödəniş etmək olacaq
• Nazir universitet və kolleclərlə bağlı əmr imzaladı
• Bakıda 28 marşrutun hərəkət sxemi dəyişdirilir