Antiterror tədbirlərindən sonra Qarabağ iqtisadi rayonunun erməni əhalisinin yaşadığı ərazilərində tarixi hadisələr yaşanır.

BUTA.TV Publika.az-a istinadən xəbər verir ki, separatçıların təslim olmasından indiyə qədər (20 sentyabr - 2 oktyabr) cəmi 12 gün keçməsinə baxmayaraq, artıq bölgənin təmizlənməsi və mərkəzi hakimiyyətin bərpası istiqamətində ciddi işlər görülüb.

Onların bir neçəsini təqdim edirik:

1. Ermənistan ordusunun ərazimizdə qalan birləşmələrinin tərki-silah edilərək, bölgədən çıxarılması, eləcə də qanunsuz silahlı dəstələrin təslim edilməsi prosesi davam edir;

2. Separatçı rejim rəsmi olaraq özünü buraxıb;

3. Xankəndidə separatçıların əski parçası yığışdırılıb;

4. Azərbaycan polisi şəhərdə fəaliyyətə başlayıb: qeyri-rəsmi məlumatlara görə, polisimiz keçmiş separatçı rejimin qondarma “daxili işlər nazirliyinin” binasında işləyir;

5. Şəhərdə poliklinika qurulub, təcili tibbi xidmətin işi təşkil edilib;

6. Xankəndinin elektrik enerjisi Azərbaycanın elektrik enerjisinə qoşulub: mobil operatorlar fəaliyyətə başlayıb, TV və radio yayımının təşkili planlaşdırılır;

7. Dövlət Miqrasiya Xidməti və Əmək və Əhalinin Sosial Müdafiəsi Nazirliyinin əməkdaşları şəhərdə erməni sakinlərin qeydiyyatını yerində aparır;

8. Erməni terrorçuların həbs edilməsi və qanun qarşısına çıxarılması prosesi davam edir: Ruben Vardanyan, David Babayan, Lyova Mnatsakanyan, Davit Manukyan artıq barmaqlıqlar arasındadır;

9. Və ən əsası artıq Xocalı, Xocavənd, keçmiş Ağdərə rayonu və Xankəndidə Azərbaycanın suverenliyi bərpa edildi: hazırda mərkəzi hakimiyyətin bərpası prosesi istiqamətində intensiv işlər həyata keçirilir.

• Milyardlıq biznesindən əl çəkib din xadimi olur
• Bu gün Bakı və Sumqayıtın bu ərazilərində işıq olmayacaq
• Bakıda piyadalar üçün böyük dəyişiklik başladı - Video
• AFFA prezidenti "Sabah"ı təbrik etdi
• “2 oğlum var, qaz və yol olmadığına görə qoyub gediblər” - Video
• “Vurulan qollar sualların cavabı idi” - Rəşad Sadıqov
• Daha bir xəstəxananın direktoru vəzifəsindən azad edildi
• Erməni məhsulları gizlicə Bakı bazarında satılır? – VİDEO