Artıq dirçələn Laçın, dirçələn Qarabağ, dirçələn Şərqi Zəngəzur bizim gücümüzü göstərir.
BUTA.TV xəbər verir ki, bunu Prezident İlham Əliyev Laçın şəhərində Həkəri çayının sahilində keçirilən “Laçın Şəhəri Günü” bayram tədbirində çıxışı zamanı deyib.
"Bu gün Laçın şəhəri, görün, necə də gözəldir cəmi 8-9 ay ərzində, heç bir il keçməyib. Biz bərpa işlərinə keçən ilin oktyabr ayında başlamışdıq, artıq bu gün biz Laçında qonaqları qəbul edirik. Azərbaycanın müxtəlif yerlərindən qonaqlar gəlib, xarici ölkələri təmsil edən diplomatlar gəlib. Bu, bir daha göstərir ki, xalqımız öz doğma torpağında qurub-yaradan xalqdır. Əziz laçınlılar, mən sizi bir daha ürəkdən salamlayıram, Şəhər Günü münasibətilə təbrik etmək istəyirəm. Əminəm ki, siz öz dədə-baba torpağınızda rahat, xoşbəxt yaşayacaqsınız. Siz buna layiqsiniz. 30 il siz həm fiziki, həm də mənəvi əzab çəkmisiniz. Bu gün isə artıq dirçələn Laçın, dirçələn Qarabağ, dirçələn Şərqi Zəngəzur bizim gücümüzü göstərir və onu göstərir ki, biz istədiyimizə hər zaman nail oluruq", - dövlət başçısı qeyd edib.
- Tovuzda ana körpəsini tanımadığı şəxsin evinə qoyaraq qaçdı
- Ağcabədidə ağır qəza: 4 nəfər yaralandı
- Zərdabdan Bakıya narkotik gətirən 65 yaşlı şəxs saxlanıldı
- Qasım Süleymani Qarabağda şəbəkə qurmuşdu - Ağabekyan
- Bakıda yaşayış binasında yanğın - Video
- Ramazanın 25-ci günü: dua, imsak və iftar vaxtı...
- 68 nəfər saxlanıldı - DİN
- FHN azyaşlıları belə xilas etdi - Video