Fikrimcə, ABŞ-ın BMT-dəki daimi nümayəndəsi Linda Tomas Qrinfild BMT TŞ-nin iclasında çıxışı zamanı Azərbaycanla bağlı ayrı-seçkiliyə yol vermədi. Daha doğrusu o, Azərbaycan və Ermənistanı Laçın yolu boyunca gərginliyi azaltmağa və sülh müqaviləsi üzərində işləməyə çağırdı. Həqiqətən çıxış zamanı bunun dəfələrlə şahidi olduq.

Bu sözləri BUTA.TV-a ABŞ-ın Azərbaycandakı sabiq səfiri Metyu Brayza deyib.

Diplomat bildirib ki, daimi nümayəndə öz çıxışı zamanı əlavə yollarla bağlı məqamdan da bəhs edib:

“Burada əsas diqqət çəkən məqam xanım Qrinfildin Laçın yolu ilə sərbəst hərəkət və Qarabağda insan hüquqları və təhlükəsizliyin qorunmasına çağırış etməsi ilə bərabər humanitar yüklərin daşınması üçün əlavə yollar üzrə güzəştlərin mümkünlüyünü qeyd etməsidir. Bu, görünür ki, ABŞ-ın da Azərbaycanın Ağdam-Xankəndi yolu ilə Qarabağdakı ermənilərə humanitar yardım çatdırmaq üçün hər cür şəraiti yaratmağa hazır olduğunu bilməsinə işarədir. Sözügedən məqamı Avropa Birliyi Şurasının Prezidenti Şarl Mişel də İlham Əliyev və Nikol Paşinyanla keçirilən son görüşdən sonra verilən bəyanatda məmnuniyyətlə qarşılayıb”.

• Milyarder klub sahibini şəxsi görüntülərlə şantaj edib - 1,2 milyard dollar istədi
• Təmsilçimiz finala çıxa bilmədi - Video-Yenilənib
• Etibarnamə ilə maşın sürənlərin nəzərinə: gələn aydan…
• Taksilər avtobus zolağına daxil ola bilərmi?
• Vado Korovinin kürəkəni də işdən çıxarıldı
• Bakı nəqliyyatı üçün yeni plan açıqlandı
• Şuşada “Xarıbülbül” festivalı keçirilir - Foto
• Bakıda 3 böyük dairəvi yol tikiləcək