Masallı rayonunda qanunsuz kömür quyuları aşkar edilib.

Bu barədə BUTA.TV-a Dövlət Ekoloji Təhlükəsizlik Xidmətinin rəsmisi Bəhruz Məhəmmədov məlumat verib.

Onun sözlərinə görə, quyular Ekologiya və Təbii Sərvətlər Nazirliyinin yerli qurumlarının, Masallı Rayon İcra Hakimiyyətinin və Masallı Rayon Polis Şöbəsinin əməkdaşları tərəfindən keçirilən birgə nəzarət tədbirləri zamanı Masallı rayonunun Yolağacı kəndi ərazisində vətəndaşların həyətyanı sahələrində aşkar edilib: "Araşdırma zamanı qanunsuz kömür istehsal edən şəxslərin Masallı rayon sakinləri Vüqar Abbasov, Samir Abbasov, Marif Şirəliyev, Əfsər Qurbanov, Fariz Məmmədov və Afər İbişov olduğu müəyyənləşib. Faktlarla bağlı qanunsuz kömür istehsal edən şəxslər barəsində akt, protokol tərtib edilib, qanunamüvafiq tədbirlər görülüb, kömür quyuları isə ləğv olunub”.

Xatırladaq ki, Ekologiya və Təbii Sərvətlər Nazirliyi ətraf mühitin mühafizəsi, qanunsuz kömür istehsalının qarşısının alınması məqsədilə "Qanunsuz kömür istehsalı ilə birgə mübarizə aparaq” aksiyasına start verib.

• Milyarderi montaj olunmuş görüntülərlə şantaj edib - 1,2 milyard dollar istədi
• Təmsilçimiz finala çıxa bilmədi - Video-Yenilənib
• Etibarnamə ilə maşın sürənlərin nəzərinə: gələn aydan…
• Taksilər avtobus zolağına daxil ola bilərmi?
• Vado Korovinin kürəkəni də işdən çıxarıldı
• Bakı nəqliyyatı üçün yeni plan açıqlandı
• Şuşada “Xarıbülbül” festivalı keçirilir - Foto
• Bakıda 3 böyük dairəvi yol tikiləcək