“Kapital Bank”ın İctimaiyyətlə əlaqələr şöbəsinin rəisi Pərviz Sədrəddinov işindən ayrılıb.

BUTA.TV xəbər verir ki, bu barədə o, Feysbukda məlumat yayıb.

"Bu həftədən etibarən 7 ildən artıq mətbuat xidmətinin rəhbəri olduğum və bu gün 149 yaşını qeyd edən doğma Kapital Bank-dan ayrılıram. Bu illər təhsilim, peşəkar təcrübəm, yeni əlaqələr və tanışlıqlar baxımından olduqca uğurlu olub. Bu uğura və inkişafa görə, mənə inanan, etimad göstərən, dəstəkləyən bankın rəhbərliyinə, həmçinin həmkarlarıma təşəkkür edirəm.

Fəaliyyətimizin effektiv olmasına birbaşa təsir edən, ölkənin media monitorinq reytinqlərində hər zaman bizi birinci edən Kütləvi İnformasiya Vasitələrinə, jurnalist dostlara da dəstəyə görə “çox sağ olun!” demək istərdim. Hər zaman demişəm, yenə təkrar edirəm - bizi, yəni mətbuat katiblərini “biz” edən media nümayəndələridir. Dostlar hər bir şeyə görə çox sağ olun!

P. S. Yeni iş yerimlə bağlı yaxın zamanlarda məlumat verəcəyəm. Daha böyük, daha məsuliyyətli və daha strateji işlərə köməkliyinizlə birgə imza atmaq ümidilə!", - o yazıb.

• Səhnədə ölən dostunun qızını qucaqlayıb ağladı - Video
• Dünya Çempionatı ilə bağlı - Xəbərdarlıq
• Milyarderi montaj olunmuş görüntülərlə şantaj edib - 1,2 milyard dollar istədi
• Təmsilçimiz finala çıxa bilmədi - Video-Yenilənib
• Etibarnamə ilə maşın sürənlərin nəzərinə: gələn aydan…
• Taksilər avtobus zolağına daxil ola bilərmi?
• Vado Korovinin kürəkəni də işdən çıxarıldı
• Bakı nəqliyyatı üçün yeni plan açıqlandı