Bakı şəhərində çoxmərtəbəli yaşayış evlərini 3 mərhələyə bölmək lazımdır. İlk mərhələdə Sovetlər dövründə tikilən “stalinka”lar, “xruşşovka”lar və Sovetlər Birliyi tənəzzülə uğrayandan sonra korporativlərin hazır betondan istifadə ilə inşa etdiyi daş evlərdir. Bu binaların güclü zəlzələlərə davamlılığı zəifdir. Üstəlik sonrakı dövrlərdə insanlar sözügedən binalara əlavə eyvanlar, otaqlar, hətta üstünə mərtəbə də inşa ediblər. Lakin həmin binalar bu qədər yükdaşıma qabiliyyətinə malik deyil.
Bu sözləri BUTA.TV-a açıqlamasında memar Cahid Həsənov deyib.
Memar bildirib ki, son 10-15 ildə tikilən binalar Fövqəladə Hallar Nazirliyinin sərtləşdirilmiş qaydaları ilə hazırlanıb:
“Beləliklə, hər hansı binanın hündürlüyü, betonun içində olan armaturların sayı, həcmi, diametri, onların bağlantılarının qaydaları təsdiq olunandan sonra bu iş daha da gücləndirildi.
Ancaq unutmayaq ki, müstəqilliyin ilk illərində bu məsələlərə rəsmi nəzarət edən qurumların olmaması 6-7 mərtəbə üçün sərəncam alan şirkətlərin özbaşına olaraq binaya əlavə 2-3 mərtəbə də artırmasına gətirib çıxarıb”.
C.Həsənov, həmçinin, binaların məsafəli tikilməsinin önəmli olduğunu vurğulayıb:
“İstər sürüşmə zolaqlarında, istərsə də sürüşmə zolaqları olmayan ərazilərdə hündürmərtəbəli binaların sıx formada tikilməsi yolverilməzdir. Ancaq hazırda bəzi binaların həyətində təbii fəlakətlər və yanğın zamanı insanların qəza yerindən çıxarılması üçün böyük maneələr var. Bu da xüsusi təcili yardım və yanğınsöndürən maşınların əraziyə girməsinə çətinlik yaradır və böyük fəsadlara səbəb ola bilər”.
- Taksi qiymətlərində yenidən DƏYİŞİKLİK
- Kərə yağları ilə bağlı ŞOK: Dəhşətli FAKTLAR
- 70 kq qızılla saxlanılan hərbi attaşe barədə qərar
- Qaz limitinin artırılması ilə bağlı təklif!
- Heç vaxt belə olmamışdı: iki nazirimiz gecə 4-də…
- Dünyanın ən ucaboy liderləri: Əliyev və Ərdoğanın yeri...
- Bakıda NATO nümayəndə heyəti ilə görüş keçirildi
- Bu nazirliyin tabeliyindəki qurumların sayı artırıldı - Qərar