Ana səhifə   |    Haqqımızda   |    Reklam
+994702372227
USD: 1.7000
EUR: 1.8902
RUB: 0.0254
TRY: 0.3230

Sosial şəbəkələrdə İran maşınlarının işğalaltı ərazilərimizə silah daşıması iddiaları - səfirin reaksiyası...

Siyasət
Sosial şəbəkələrdə İran maşınlarının işğalaltı ərazilərimizə silah daşıması iddiaları     - səfirin reaksiyası...

İranın Azərbaycandakı səfiri Seyid Abbas Musəvi mətbuat konfransında son vaxtlar İran avtomobillərinin işğal altındakı ərazilərimizə yük daşıması ilə bağlı sosial şəbəkələrdə yayılan məlumatları şərh edib.

 

Onun sözlərinə görə, işğal və işğalçılıq İranın qırmızı xəttidir: "İranın əraziləri bir müddət işğalda olub. Ona görə də ölkə və xalq olaraq işğalı qəbul edə bilmərik".

 

Səfir əlavə edib ki, sosial şəbəkələrdə yayılan kadrlar reallığı əks etdirmir: "İranlı iş adamlarının Ermənistanla iqtisadi münasibətləri ola bilər. Lakin Dağlıq Qarabağla heç bir iqtisadi əlaqəyə sahib ola bilməzlər. Bizim üçün Azərbaycanın suverenliyi və ərazi bütövlüyü önəmlidir. Azərbaycanın dinc və sülh yolu ilə öz torpaqlarını işğaldan azad etməsi istiqamətində İran öz dəstəyini göstərməyə hazırdır. Bu elə bir şəkildə həll olunmalıdır ki, Azərbaycan öz haqqını əldə edə bilsin. Çünki regionun münaqişəyə daha dözümü yoxdur. Bölgə məsələləri üzrə mövqeyimiz aydındır. Azərbaycanla əlaqələrimizin inkişafı üçün heç bir maneə yoxdur. Eyni zamanda, Ermənistanla da adi qonşuluq münasibətlərimiz var”.

 

Seyid Abbas Musəvi mətbuat konfransında jurnalistlərin Rusiyanın Ermənistana İran ərazisindən silah tədarükü barədə sualını cavablandırarkən deyib ki,  İran heç vaxt qonşu, dost və müsəlman Azərbaycana qarşı arxadan hansısa iş görülməsinə yol verməz: “Şəxsən özüm İranda bu məsələni araşdırdım. İran üzərindən Ermənistana Azərbaycana qarşı tədarükü inkar edirik. Bizə deyildiyi kimi və Rusiya Müdafiə nazirinin dediyi kimi, bəzi inşaat materialları olub”.

 

Göründüyü kimi, səfir İranın Ermənistanla münasibətlərinin olduğunu inkar etmir və deyir ki, ölkəsinə aid maşınlar getsə Ermənistana yol ala bilər, Dağlıq Qarabağa yox. Çox maraqlı yanaşmadır. Hamı bilir ki, Dağlıq Qarabağ hazırda Ermənistanın  işğalı altındadır. Yəni Ermənistan istənilən yükü öz ərazisi üzərindən separatçılara ötürə bilərsə, onda səfirin təkzib arqumentlərini nə dərəcədə əsaslı saymaq olar?

 

Buta.ws xəbər verir ki, politoloq Əhəd Məmmədli “Bakı-Xəbər”ə açıqlamasında bildirdi ki, İran səfirinin təkzibi ciddi arqumentlərə əsaslanmır:

 

“İşğal altında olan ərazilərimizdə İran əsilli iş adamlarının biznesinin olması ilə bağlı kifayət qədər faktlar mövcuddur. Eyni zamanda, həmin ərazilərə İrandan yüklərin daşındığını sübut edən videokadrlar da nümayiş edilib. Aydındır ki, İran dövləti istəsə, ora bir nəfər vətəndaşı da ayaq basa bilməz. Buna göz yumulursa, deməli, hansısa maraqlar var. Ermənistanla olan əlaqələrdən biz xəbərdarıq. Bu, Dağlıq Qarabağdakı separatçıların həmin əlaqələrdən yararlanması üçün sərfəli vasitədir.  Mən nəinki səfirin arqumentlərini əsasız sayıram, hətta burada ciddi təzad görürəm. Səfir deyir ki, işğal amili İran üçün qırmızı xətt anlamına gəlir, çünki onun özünün də əraziləri vaxtilə işğala məruz qalıb. Elə həmin açıqlamasında da deyir ki, bir qonşu ölkə kimi Ermənistanla münasibətləri mövcuddur. Onda sual olunur: işğal qırmızı xətdirsə, bəs onda Ermənistan kimdir və islam ölkəsi həmin işğalçı ilə niyə əlaqələr saxlayır? Dəfələrlə deyilib ki, Ermənistan işğal etdiyi ərazilərdə dini irsimizi dağıdır, təhqir edir. Bunun birinci təəssübünü çəkən islam quruluşuna malik olan ölkə kimi İran olmalıdır. Təəssüf ki, biz İranın belə addımlar atmaqda maraqlı olduğunu görmürük. Azərbaycan dövləti Rusiyaya verdiyi açıq  etiraz bəyanatından birini də İrana ünvanlamalıdır. Dostluq ütülü, diplomatik bəyanatlarla özünü göstərmir, bunun arxasında konkret əməl durmalıdır. İran bizimlə dostluğunu, qonşuluğunu  səmimi olaraq davam etdirmək üçün, mütləq mənada, Ermənistan və separatçı qurumla münasibətlərini yenidən nəzərdən keçirməlidir”.

 

Doğrudan da, İslam ölkəsi kimi  İran ilk növbədə işğalçını yerinə oturtmalı, yalnız bundan sonra onunla hansısa əməkdaşlığı etməlidir.

Loading...
Paylaş

Sizin reklam yeriniz     Ölçü: 600x100

+994702372227

Siyasət bölməsinə aid digər xəbərlər
İndi oxunanlar

Brendinizi tanıtmaq üçün ölkənin ən reytinqli media resuslarından olan BUTA.WS saytında reklam bannerlərinin və tanıtım məqalərinin yayınlanması təklif edirik.

Siz həm brendinizin tanınmasının əhəmiyyətli dərəcədə artmasına, həm də məhsullarınız barədə məlumatın geniş yayılmasına nail olacaq, və həmçinin şirkətlərinizin internet saytlarının ziyarət edilməsinin sadə üsülla çoxalması imkanını əldə edəcəksiniz.

Daha ətraflı məlumat üçün: +99470 2372227

Bağla

Facebook səhifəmizi bəyənin

“BUTA.WS” xəbər portalı 2019-ci il aprel ayının 25-dən fəaliyyətə başlayıb. Saytın yaradılmasında məqsəd oxucularına Azərbaycanda, eləcədə regionda və dünyada baş verən hadisələrin operativ və obyektiv təhlilini təqdim etmək, ölkəmiz üçün əhəmiyyətli olan hadisələrin şərhini verməkdir.

“BUTA.WS” internet portalı tam müstəqil informasiya siyasəti həyata keçirən media qurumudur. Bunu rəhbər tutaraq Azərbaycanda fəaliyyət göstərən bütün dövlət qurumlarını, siyasi partiyaları, yazılı və elektron mətbuatı, media təşkilatlarını, QHT-ləri, hüquq-mühafizə orqanlarını və vətəndaşları aktiv əməkdaşlığa dəvət edirik.

“BUTA.WS” xəbər saytının rəhbəri Xəyal Abdullayevdir.

Əlaqə: Telefon / Whatsapp: +994 70 2372227

E-mail: [email protected]

Bağla