Ana səhifə   |    Haqqımızda   |    Reklam
+994702372227
USD: 1.7000
EUR: 1.8902
RUB: 0.0254
TRY: 0.3230

“Belə olsa, yoluxma halları yenə artacaq” - Adil Qeybulla

Ölkə
“Belə olsa, yoluxma halları yenə artacaq”    - Adil Qeybulla

Ölkəmizdə yeni növ koronavirusla mübarizə davam edir.

 

31 iyul rəsmi statistikasına görə, dünən ölkə ərazisində ümumi virusa yoluxma sayı 318, müalicə olaraq sağalanların sayı isə 714 olub.

 

Nazirlər Kabineti yanında Operativ Qərargahdan verilən məlumata görə, COVID-19 üçün götürülən analiz nümunələri müsbət çıxmış 7 nəfər vəfat edib.

 

Son günlərin statistikalarına əsasən deyə bilərik ki, müalicə olunaraq sağalan xəstələrin sayı virusa yoluxanlardan 2 dəfə çoxdur. Ölüm sayı da azalır. Virusun daha aktiv yayıldığı aylar bu statistika tərsinə idi.

 

Bütün azalan statistikalara nəzər saldıqda hazırda davam edən sərt karantin rejiminin, həkimlərimizin əməklərini, onların güclü iş rejiminin nəticəsini danmaq olmaz.

 

Maraqlıdır, bu statistikanın bu qədər qısa zamanda və ciddi dəyişməsinə əsas səbəb nədir? Virusun təhlükəsi azalıb, yoxsa xaricdən gələn həkimlərin xidmətidir?

 

Buta.ws xəbər verir ki, Tibb elmləri doktoru, professor Adil Qeybulla  açıqlamasında bildirib ki, sağalma sayı yoluxanlarla müqayisədə azdır:

 

“Əslində qeydiyyata düşməyən, evdə müalicə alan, xüsusi həkimlərə müraciət edərək sağalan yüzlərlə adam var. Onlar da heç bir yerdə qeydiyyata düşmürlər deyə statistikaya əlavə edilmir, nəticədə verilən statistikada onların olmaması təbii hal olur. TƏBİB-in rəsmi statistikası ancaq xəstəxanada qeydiyyata alınan, xəstəxanaya girib-çıxan şəxslərdən ibarətdir. Dəfələrlə demişəm, bir də qeyd edirəm ki, özünə xüsusi həkim tapan, ev şəraitində sağalanlar çoxdur”.

 

Professor deyir ki, hazırda olan müsbət nəticəni xaricdən gələn həkimlərin adına yazmaq düzgün deyil:

 

“Hazırkı statistikada xaricdən gələn həkimlərin böyük rolu yoxdur. Bu tendensiyadır, əvvəl yoluxanlar çox idi, indi isə vəziyyət nəzarətə alınıb, sağalanlar üstünlük təşkil edir”.

 

Adil Qeybulla qeyd edib ki, bu qədər yoluxma potensialı sərt karantin rejimini ilk dəfə yumşaldıqdan sonra müşahidə edilib:

 

“Yəqin yadınızdadır sərt karantin rejiminin ilk dəfə yumşaldıldığı ərəfə, demək olar ki, hər kəs virusu unutmuşdu. Bu da düzgün deyil, virusa qarşı həmişə tədbirli davranmaq lazımdır. Əsas məsələ karantin yumşaldılandan sonra da ümumi karantin rejiminin tələb etdiyi davranışlara riayət etməkdir. Əgər qaydalara düzgün əməl edilsə, maskalar taxılsa, sosial məsafəyə əməl edilsə, hesab edirəm ki, nəticə də yaxşı olacaq. Əməl edilməsə, ilk yumşaldılmadakı hallarla qarşılaşacağıq, yoluxma halları yenə artacaq”. (cebhe.info)

Loading...
Paylaş

Sizin reklam yeriniz     Ölçü: 600x100

+994702372227

Ölkə bölməsinə aid digər xəbərlər
İndi oxunanlar

Brendinizi tanıtmaq üçün ölkənin ən reytinqli media resuslarından olan BUTA.WS saytında reklam bannerlərinin və tanıtım məqalərinin yayınlanması təklif edirik.

Siz həm brendinizin tanınmasının əhəmiyyətli dərəcədə artmasına, həm də məhsullarınız barədə məlumatın geniş yayılmasına nail olacaq, və həmçinin şirkətlərinizin internet saytlarının ziyarət edilməsinin sadə üsülla çoxalması imkanını əldə edəcəksiniz.

Daha ətraflı məlumat üçün: +99470 2372227

Bağla

Facebook səhifəmizi bəyənin

“BUTA.WS” xəbər portalı 2019-ci il aprel ayının 25-dən fəaliyyətə başlayıb. Saytın yaradılmasında məqsəd oxucularına Azərbaycanda, eləcədə regionda və dünyada baş verən hadisələrin operativ və obyektiv təhlilini təqdim etmək, ölkəmiz üçün əhəmiyyətli olan hadisələrin şərhini verməkdir.

“BUTA.WS” internet portalı tam müstəqil informasiya siyasəti həyata keçirən media qurumudur. Bunu rəhbər tutaraq Azərbaycanda fəaliyyət göstərən bütün dövlət qurumlarını, siyasi partiyaları, yazılı və elektron mətbuatı, media təşkilatlarını, QHT-ləri, hüquq-mühafizə orqanlarını və vətəndaşları aktiv əməkdaşlığa dəvət edirik.

“BUTA.WS” xəbər saytının rəhbəri Xəyal Abdullayevdir.

Əlaqə: Telefon / Whatsapp: +994 70 2372227

E-mail: [email protected]

Bağla