Gürcüstan bu il 21 yaşadək futbolçular arasında Avropa çempionatının final mərhələsinə ev sahibliyi edəcək.
BUTA.TV xəbər verir ki, Gürcüstan hökuməti ölkədə idman infrastrukturunun yaxşılaşdırılması üçün konkret addımlar atacaq. Hökumət bu məqsədlə 32 milyon dollardan çox vəsait ayırıb.
Gürcüstan hökumətinin mətbuat xidmətindən bildirilib ki, turnirin yüksək səviyyədə keçirilməsi üçün Tiflis, Saquramo, Kutaisi, Tsxaltubo, Kobuleti və Batumidə stadionlar, məşq meydançaları da daxil olmaqla, 12 idman obyektində bu il təmir-tikinti işləri aparılacaq.
Qeyd edək ki, Avropa çempionatı bu il iyunun 21-dən iyulun 8-dək Gürcüstan və Rumıniyada təşkil olunacaq. 16 komandanın iştirak edəcəyi turnirdə ümumilikdə 8 stadiondan istifadə olunacaq.
Çempionatın açılış oyunu Rumıniyada keçiriləcək.
Turnir çərçivəsində Gürcüstanda 16 qarşılaşma olacaq. Qrup və 1/4 final oyunları Tiflisii, Kutaisi və Batumidə keçiriləcək. Final matçına Batumi Adjarabet Arena ev sahibliyi edəcək.
- Tabutumu azərbaycanlı gənclər daşısın... - Davudoğlu
- İlham Əliyev, indi bu adı deməyi sevirəm - Tramp
- Azərbaycan 7 milyard verən ölkələrdən biridir? - Hacıyev
- Azərbaycanlıların İrəvana getməsi erməniləri təşvişə saldı
- Azərbaycanlı xanımın gürcü baş nazirə dəhşətli məktubu...
- Saxta kampaniyalarla bağlı vətəndaşlara - Xəbərdarlıq
- Nazirdən əmr: Məmmədov komandir təyin edildi
- Ramazanın ikinci günü: Dua, imsak və iftar vaxtı