İraq hakimiyyəti Suriyadakı böhranla bağlı bir sıra qərarlar qəbul edib, o cümlədən qonşu ölkədə baş verən hadisələrdə ordu qüvvələrinin iştirak etməyəcəyini elan edib.

BUTA.TV xəbər verir ki, bunu İraq Nümayəndələr Şurasının (parlament) Təhlükəsizlik və Müdafiə Komitəsinin üzvü Yasir İsgəndər deyib.

“İraq Federal Hökuməti üç strateji qərar qəbul edib: İraq hakimiyyəti Suriyanın işlərinə hərbi müdaxilə etməyəcək, Suriyaya heç bir İraq qüvvələrini göndərməyəcək və İraqdan kənarda heç bir hərbi tədbir görməyəcək”, - İsgəndər qeyd edib.

İsgəndər etiraf edib ki, Suriya rejimi ordusunun sıralarında ağır itkilər olduğunu nəzərə alsaq, ölkə böyük dəyişikliklər astanasındadır.

O, qonşu ölkədəki böhranın mülki əhaliyə zərər vermədən başa çatacağına və bir çox insanın qonşu dövlətlərə köçməsinə səbəb olmayacağına ümid etdiyini bildirib.

• Pezeşkian Moskvaya gedir: Rusiya ilə saziş imzalayacaq
• Təyyarəmizi vuran "Pantsir-S" sistemi nədir, necə işləyir?
• Məlikovdan Əliyevə: Sizinlə birlikdə kədərlənirik...
• Təyyarə qəzası necə baş verib? - Detallar
• Pilotlar təyyarəni dənizə niyə endirməyiblər? - Video
• “Rəsmi Bakı Rusiyadan üzr gözləyir”
• Ukrayna təyyarə qəzası ilə bağlı açıqlama yaydı
• AZAL təyyarəsi qəzaya düşən kimi Rusiya bu xəbəri sildi - Təcili