Havalar soyuyandan bəri təmir-tikinti materialları bazarında durğunluq yaşanır.

BUTA.TV "Xəzər xəbər"ə istinadla xəbər verir ki, satıcılar son günlər bazarda alıcı qıtlığının olduğunu bildiriblər.

Deyiblər ki, alıcı azlığı adətən qiymətlərin ucuzlaşması ilə nəticələnsə də, bu dəfə elə olmayıb.

Sahibkarlar bildirib ki, tikintidə ən çox istifadə edilən taxtaların qiyməti artıb.

Sahibkar Vüqar Əzimovun sözlərinə görə, bahalaşan əsasən yaş taxtalardır. Bir kisə sementin qiyməti isə 7 manat 50 qəpikdən 8 manata kimi qalxıb. Xırdavat tikinti materiallarında isə artım demək olar ki, yoxdur. Tollar 12-18 manat, mismarın kiloqramı isə 2-3 manat arasındadır. Armaturların qiymətləri də dəyişməz olaraq qalır.

Həmçinin alçipan qiymətləri də dəyişməyib. Bununla belə, istehsalçıya görə material ucuz və baha ola bilər. Alçipan qiymətləri əsasən 6-11 manat arasındadır.

Ucuzlaşan tikinti materialları içərisində isə dam örtükləri var. Satıcıların sözlərinə görə, ciddi endirim etsələr də, tələbatı artıra bilməyiblər.

Döşəmə materiallarının qiymətlərinə gəlincə isə, satıcılar dedilər ki, laminatlar 10 manat 50 qəpikdən başlayır. Parketlərin 1 kvadratmetri isə 35-120 manat arasında dəyişir.

• Bulud dağıdan toplardan niyə istifadə etmirik?
• 2198 müəllim bu sadə suala cavab verə bilmədi - Foto
• Ölkədə uşaqlara bu adların qoyulması qadağan edilir
• Bu prospektin kəsişməsində yeni işıqforlar quraşdırılır
• Sabirabadda əməliyyat: saxlanılanlar var - Foto
• Speys TV bağlanır? – Telekanal daxilində baş verənlər...
• “Azercell”in dəstəyi ilə “StartHer Quba” layihəsinə start verildi
• Bakının 2 rayonunda qaz olmayacaq