İbrahim Rəisi ilə birlikdə başqa helikopterdə olan İran Prezident Administrasiyasının rəhbəri Qulamhüseyn İsmaili prezident helikopterinin qəzaya uğraması ilə bağlı yeni təfərrüatları açıqlayıb.

Prezident Aparatının rəhbəri Qulamhüseyn İsmailinin canlı televiziya müsahibəsində açıqladığı ən mühüm məqamlar bunlardır:

Günorta saat bir radələrində heç bir xüsusi hava hadisəsi olmadığı yaxşı və aydın havada Təbrizə uçuş başladı.

45 dəqiqəlik hərəkətdən sonra mədən yaxınlığındakı dərədə bulud ləkəsi müşahidə olunurdu. Prezidenti daşıyan helikopterin pilotu səhra komandiri kimi digər pilotlara bildirir ki, buludlardan yuxarı çatmaq üçün yüksəkliyə qalxsınlar.

Ortadakı helikopter Prezidenti daşıyırdı. Pilotumuz 30 saniyə buludların üzərində yolu davam etdirdikdən sonra ortadakı helikopterin olmadığını bildi.

Ortadakı helikopter yuxarı qalxmadığı üçün helikopterimizin pilotu dönərək geri qayıtdı. Ondan qayıtmağının səbəbini soruşdum. Ortadakı helikopterin gəlmədiyini dedi. Qayıdaraq onları tapmaq qərarına gəldik. Bulud olan bu hissədə aşağını görə bilmirdik, buludun altına qayıtmaq mümkün deyildi. Nə qədər radio rabitəsi qurmağa çalışsaq da, mümkün olmadı. Bir-iki dəqiqədən sonra Süngün mis mədəninə endik və məsələni izləməyə başladıq. 

Cənab Əmir Abdullahiyana və mühafizə komandirinə dəfələrlə zəng etdik, lakin heç biri cavab vermədi.

Uçuş heyəti bildirdi ki, kapitan Mustəfəvi ilə telefon əlaqəsi saxladıq, cənab Ali-Haşim cavab verdi və dedi ki, vəziyyətim yaxşı deyil və dərəyə düşmüşük. Xüsusi bir şey demədi. Sonra mən həmin telefona zəng etdim və cənab Ali-Haşim cavab verdi. Soruşdum ki, necəsən? Dedi ki, vəziyyətim yaxşı deyil. Onun ağrısı var idi. Nə baş verdiyini soruşdum. Dedi ki, nə baş verdiyini bilmirəm. Ağacların arasına düşdüyünü bildirdi. Digər yoldaşları haqda soruşdum. Dedi ki, onların heç birini görmürəm və ətrafımda heç kim yoxdur. Sonra meşənin xüsusiyyəti haqda məlumat verdi.

Xilasedicilər dərhal qəzanın olduğunu təxmin etdiyimiz əraziyə yollandılar. Sonradan qəza yerini tapdıqda cəsədlərin vəziyyəti Ayətullah Rəisi və digər yoldaşlarının dərhal dünyasını dəyişdiyini göstərirdi. Lakin Ali-Haşim bir neçə saat sonra şəhid olmuşdu. /Musavat.com

- kanalımız

• Əməliyyat: saxlanılanlar arasında qadınlar da var - Video
• Xocalının 4 kəndinə növbəti köç karvanı yola salındı
• Sahibkarlar İlham Əliyevə müraciət etdi
• ABB 230 000 000 dollarlıq yeni sindikativ kredit cəlb etdi!
• Azərbaycanda 68 şəhərin baş planı təsdiqləndi
• Əmək haqqı sistemi üzrə yeni islahatlar planlaşdırılır
• Türkiyədə Azərbaycan nömrəli yük avtomobili kül oldu - Foto
• Kürdəmirdə yanğın: ev sahibi yanaraq öldü