Qida Təhlükəsizliyi Agentliyi qida təhlükəsizliyinin təmin edilməsi, istehlakçı hüquqlarının müdafiəsi istiqamətində tədbirləri davam etdirir.

Agentliyin İnformasiya təminatı və innovativ həllər şöbəsindən BUTA.TV-a verilən məlumata görə, nəzarət tədbirləri çərçivəsində Bakının Xətai rayonunda S.Əhmədov küçəsi, ev 5D ünvanında fəaliyyət göstərən fiziki şəxs Asim Ehtiram oğlu Əsədova məxsus çörək istehsalı müəssisəsində yoxlama aparılıb.

Yoxlama zamanı qida təhlükəsizliyi sahəsində normativ hüquqi aktların, sanitariya norma və qaydalarının tələblərinin pozulduğu müəyyən edilib. Müəssisədə sanitar-texniki və sanitar-gigiyenik vəziyyətin qənaətbəxş olmadığı, havalandırma sisteminin quraşdırılmadığı, tavan, döşəmə və divar səthlərinin asan təmizlənmənin və dezinfeksiya vasitələrinin təsirinə davamlı materiallarla üzlənmədiyi, texnoloji ardıcıllığa və temperatur rejiminə əməl edilmədiyi, xammalların və inqrediyentlərin çirklənmədən mühafizə ediləcək şəraitdə saxlanılmadığı, müvafiq təmizlik işlərinin aparılmadığı, işçi heyətin xüsusi geyimlə tam təmin olunmadığı, həmçinin ilkin və dövri tibbi müayinədən keçmədiyi aşkarlanıb.

Aşkar edilmiş faktlarla bağlı qanunvericiliyə uyğun olaraq sahibkar barəsində inzibati protokol tərtib edilib, müəssisənin fəaliyyəti məhdudlaşdırılıb.

• Buraxılış imtahanının nəticələri açıqlandı
• İmtahanda 9 nəfər maksimum bal topladı - Siyahı
• “Changers Academy” AzMİU-da təqdimat keçirdi
• Sumqayıtda sərnişin avtobusu təhlükə yaratdı - Video
• Məktəblərdə tətil vaxtı dəyişdi - Rəsmi
• Prezident Natiq İbrahimovu bu universitetə rektor təyin etdi
• Naxçıvanda yüksəkvəzifəli şəxs işdən çıxdı
• Bakıdakı bəzi məktəblərdə tədris distant formada olacaq