24 iyun 2023-cü il və 24 fevral 2022-ci il vəziyyəti müqayisə etsək, bu gün Rusiya cəmiyyətinin daha sakit reaksiyasını görərik. Hətta Rostov və Voronej vilayətləri ilə həmsərhəd olan rayonlarda Müdafiə Nazirliyinin bölmələri və digər hüquq-mühafizə orqanları Ali Baş Komandanın - Rusiya prezidentinin qarşıya qoyduğu tapşırığı yerinə yetirirlər.

BUTA.TV xəbər verir ki, bunu rusiyalı politoloq, beynəlxalq təhlükəsizlik sahəsində mütəxəssis Vitali Arkov deyib.

“Rusiya vətəndaşları ölkə rəhbərliyinin effektivliyinə və silahlı üsyanı tez bir zamanda yatırmaq üçün onun səlahiyyət və resurslarının adekvatlığına əmindirlər. Bu, saxta böyüklüyündən ağlını itirmiş, Rusiyanın daxilində də mövcud olan xarici düşmənlərin əlaltıları tərəfindən edilən cəhddir. Xəyanətdən təəssüf ki, heç bir dövlət, heç bir cəmiyyət sığortalanmayıb”, - politoloq bildirib.

Arkov qeyd edib ki, Rusiyada həm beşinci kolon, həm də terror aktları törətməyə hazır olan ayrı-ayrı personajlar var:

“Lakin birincilər şərti olaraq anonim hesablardan sosial şəbəkələrdə maksimum fəallıq nümayiş etdirirlər, ikincisi ilə bağlı isə aidiyyəti idarələr tərəfindən nəhəng işlər görülür – onun aşkarlanması və qarşısının alınmasında nəticələrini təkcə mediada dərc olunan nəşrlər deyil, həm də Rusiya şəhərlərində yaşamaq, qalmaq təhlükəsizliyinin yüksək səviyyəsi ilə qiymətləndirmək olar.

Bəli, təhlükəsizlik tədbirlərinin gücləndirilməsi ilə bağlı məlumatlar var. Lakin bu daha çox cəmiyyətin təhlükəsizliyi üçündür. Xəbər lentlərini söndürsəniz, Rusiya bölgələrinin böyük əksəriyyətində ətrafdakı reallıqda narahatedici məqamları görməyəcəksiniz. Teleqram, Feysbuk və Tvitterdə “Vaqner”in payxtata yaxınlaşması, rusların isə kütləvi şəkildə Ural və Sibirə köçməsi barədə "sensasiyalı" informasiyalar görünməkdədir. Burada Ukrayna Silahlı Qüvvələrinin Rusiya daxilindəki tərəfdaşları, xarici qüvvələr, həm də bayağı həyəcançılar tərəfindən təkrarlanan təxribat işi var. Ən son tövsiyə edəcəyim şey emosiyaları söndürüb beyni işə salmaqdır”.

• Bu gün Mingəçevirin bu ərazilərində işıq olmayacaq
• Xırdalan şəhərinin bir hissəsində işıq olmayacaq
• Diqqət: Magistral yollarda görmə məhdudlaşacaq
• Bakının bu yollarında təmir işləri həyata keçiriləcək
• Bu rayonun təhsil sektor müdiri işdən çıxarıldı - Səbəb
• 30 il əvvəl törədilən qətlin üstü açıldı: saxlanılanlar var
• Cəbrayıldakı yarmarkada 100-ə yaxın vakansiya təqdim edilib
• Azərbaycanlı gəncin qətli ilə bağlı 11 nəfər saxlanıldı