“Vaqner”in rəhbəri Yevgeni Priqojinin müdafiə naziri Şoyqu və Baş Qərargah rəisi Gerasimov da daxil olmaqla, Rusiya hərbi rəhbərliyinə qarşı təhdidlərindən sonra Ağ Ev Rusiyadakı vəziyyəti izləyir.

BUTA.TV xəbər verir ki, bu barədə CNN məlumat yayıb.

Milli Təhlükəsizlik Şurasının sözçüsü Adam Hodc bildirib ki, Prezident Co Bayden Rusiyadakı hadisələrlə bağlı məlumatlandırılıb:

“Biz vəziyyəti izləyirik və bu hadisələrlə bağlı müttəfiqlər və tərəfdaşlarla məsləhətləşəcəyik”.

Qeyd edək ki, ötən gün axşam saatlarında Yevgeni Priqojin Rusiya müdafiə naziri Sergey Şoyqunun Rostova gələrək, “Vaqner”in qərargahlarına hücum əməliyyatına rəhbərlik etdiyini iddia edib. Onun sözlərinə görə, “Vaqner” qərargahlarına endirilən zərbələr nəticəsində yüzlərlə ölən və yaralanan var.

Bundan sonra Priqojin “25 minlik ordu ilə” Rostova doğru hərəkət etdiyini açıqlayıb. Ona qarşı Rusiya FTX və Baş Prokurorluq “hərbi çevrilişinə cəhd” maddəsi ilə cinayət işi başladıb, Moskva, Voronej və Rostovda antiterror rejimi tətbiq edilib.

“Vaqner”in Rostov və Voroneji ələ keçirdiyi, hazırda isə Moskvaya doğru hərəkət etdiyi bildirilir.

• Bu gün Mingəçevirin bu ərazilərində işıq olmayacaq
• Xırdalan şəhərinin bir hissəsində işıq olmayacaq
• Diqqət: Magistral yollarda görmə məhdudlaşacaq
• Bakının bu yollarında təmir işləri həyata keçiriləcək
• Bu rayonun təhsil sektor müdiri işdən çıxarıldı - Səbəb
• 30 il əvvəl törədilən qətlin üstü açıldı: saxlanılanlar var
• Cəbrayıldakı yarmarkada 100-ə yaxın vakansiya təqdim edilib
• Azərbaycanlı gəncin qətli ilə bağlı 11 nəfər saxlanıldı