ABŞ-ın "Kolambus Kru" klubu "Qarabağ"ın futbolçusu Nəriman Axundzadəni transfer edib.
BUTA.TV xəbər verir ki, bu barədə klubun mətbuat xidməti məlumat yayıb.
Bildirilib ki, Nəriman Axundzadə ilə bağlı MLS (ABŞ) təmsilçisi "Kolumbus Kru" (Columbus Crew) klubu ilə aparılan danışıqları yekun mərhələyə çatıb və tərəflər arasında razılıq əldə olunub.
Mövcud razılaşmaya əsasən, futbolçuya qarşı tərəf ilə şəxsi müqavilə şərtlərinin müzakirə edilməsinə icazə verilib.
Qeyd edək ki, "Kolumbus Kru" klubu Nərimanla "U22 Initiative" proqramı çərçivəsində müqavilə imzalayacaq.
"U22 Initiative" proqramı çərçivəsində olan futbolçular klublar tərəfindən azaldılmış büdcə xərci ilə transfer edilə bilər. Bu halda oyunçunun maaşı və transfer haqqı klubun maaş limitinə daha aşağı məbləğlə daxil edilir ki, bu da gənc futbolçuların heyətə cəlb olunmasını asanlaşdırır.
Xatırladaq ki, 2021-ci ildən "Qarabağ"da çıxış edən Nəriman Axundzadə bu illər ərzində komandada 35 qol vurub və 17 məhsuldar ötürmə edib. 2023-cü ildən etibarən Azərbaycan yığmasında çıxış edən hücumçu milli komandada fərqlənə bilməyib.
- Saleh Məmmədov dövlətin 1 milyardını talayıb - Şok
- Dövlət sifarişi ilə oxuyan tələbələrdən pul tələb oluna bilər?
- Bakı-Quba yolunda “Bentley” dəfələrlə aşaraq, 500 metr... - Video
- Expressbank növbəti ekoloji layihəyə tərəfdaşlıq edib
- Bakıda ad günündə ərini öldürən qadına hökm oxundu
- Bakının mərkəzi küçəsində hərəkət zolaqlarının sayı artırıldı
- Qadın sürücü “Rənc Rover”i aşırdı - Video
- Nizami Kino Mərkəzinin fasadına ciddi ziyan vuruldu - Foto