Tərtər hadisələrinin baş verdiyi dövrdə adı çəkilən hərbi hissə Bərdə korpusuna (1-ci Ordu Korpusu – red.) tabe olub və ona görə həmin proseslərdə korpusun komandiri kimi Hikmət Həsənovun adı hallanır.
Bu sözləri BUTA.TV-a açıqlamasında hərbi ekspert Üzeyir Cəfərov Tərtər hadisələrində general-mayor Hikmət Həsənovun adının hallanmasının səbəbini izah edərkən bildirib.
Onun sözlərinə görə, hadisələrlə bağlı mövcud olan şahid ifadələrində də Hikmət Həsənovun adı tez-tez çəkilir:
“Şahidlər ifadələrində Hikmət Həsənovu hadisələrin baş verdiyi ərazidə gördüklərini bildiriblər. Keçirilən məhkəmə iclaslarında da dəfələrlə Hikmət Həsənovun adına istinad olunub. Bu baxımdan məsələyə hüquq-mühafizə orqanları, xüsusilə Hərbi Prokurorluq və Baş Prokurorluq tərəfindən konkret və aydın hüquqi qiymət verilməlidir”.
Ekspertin fikrincə, Tərtər hadisələri ilə bağlı araşdırmalar hələ uzun illər davam edəcək:
“Artıq 19 nəfərə bəraət verilib və bu şəxslər barəsində ittiham aktlarını imzalayan prokurorlar, həmin ittihamları məhkəmədə müdafiə edən dövlət ittihamçıları və qərar çıxaran hakimlər hüquqi məsuliyyət daşımalıdırlar. Çünki həmin şəxslər illərlə həbsdə saxlanılıb, həm özləri, həm də ailə üzvləri ciddi çətinliklərlə üzləşiblər. Məhz bu səbəbdən Tərtər hadisələri cəmiyyət üçün hələ uzun müddət müzakirə mövzusu olaraq qalacaq”.
- Saleh Məmmədov dövlətin 1 milyardını talayıb - Şok
- Dövlət sifarişi ilə oxuyan tələbələrdən pul tələb oluna bilər?
- Bakı-Quba yolunda “Bentley” dəfələrlə aşaraq, 500 metr... - Video
- Expressbank növbəti ekoloji layihəyə tərəfdaşlıq edib
- Bakıda ad günündə ərini öldürən qadına hökm oxundu
- Bakının mərkəzi küçəsində hərəkət zolaqlarının sayı artırıldı
- Qadın sürücü “Rənc Rover”i aşırdı - Video
- Nizami Kino Mərkəzinin fasadına ciddi ziyan vuruldu - Foto